საფრანგეთში საქართველოს ელჩი ეკატერინე სირაძე-დელონე გაძარცვეს. ინფორმაციას ამის შესახებ ფრანგული მედია ავრცელებს. ფეისბუკის პირად გვერდზე მომხდარს ადასტურებს ელჩიც.

ეკა სირაძე შუადღისას სენ-დენისში საკუთარ მანქანაში იჯდა, როდესაც ორმა პირმა მისი ფანჯრის მინა ჩაამსხვრია და დიპლომატის ჩანთა გაიტაცა.

ინციდენტის შედეგად, საქართველოს ელჩი არ დაშავებულა და მან პარიზის პოლიციაში მომხდარის შესახებ განაცხადა.

ფრანგული მედიის ცნობით, გატაცებული ჩანთა მოგვიანებით პარიზის გარეუბანში იპოვეს.