სამი ადამიანი დაიღუპა და მილიონზე მეტი ელექტროენერგიის გარეშე დარჩა აშშ-ს დასავლეთ სანაპიროზე, ფლორიდისა და ჯორჯიის შტატებში, სადაც ქარიშხალ ჰელენს ებრძვიან.

ეს უდიდესი აღწერილი ქარიშხალია, რომელიც ფლორიდის ჩრდილოეთ ნაწილს ოდესმე დასტყდომია თავს. ჰელენი ახლა ჯორჯიის შტატს უტევს.

ფლორიდის გუბერნატორის, რონ დესანტისის ცნობით, მსხვერპლის ზრდა მოსალოდნელია, რადგან ქარის სიჩქარემ 225კმ/სთ-ს მიაღწია, ხოლო გადაუღებელმა წვიმამ მეწყერი გამოიწვია.

ფინანსური ინსტიტუტების ცნობით, ქარიშხლისაგან მოყენებული ზარალი მილიარდობით დოლარს აჭარბებს. თავდაპირველად ქარიშხალს ერთ-ერთი უმაღლესი, მე-4 კატეგორია მიენიჭა, თუმცა თანდათანობით ტროპიკული შტორმის კლასიფიკაციამდე შესუსტდა. მიუხედავად ამისა, სასიცოცხლო საფრთხეს მაინც შეიცავს.

ჰელენი აშშ-ის ისტორიაში სიმძლავრით მე-14 ქარიშხალია. ხოლო სიგანით, რომელიც 672 კილომეტრს (420 მილი) შეადგენს, მხოლოდ 2-ს, იდასა და ოპალს, ჩამორჩება. მასიურობის გათვალისწინებით, მისი შედეგები ოთხ შტატს, ფლორიდას, ჯორჯიას, კაროლინასა და ჩრდილოეთ კაროლინას მისწვდა. ამ შტატებში ელექტრო-ენერგიის გარეშე ჯამში 2 მილიონამდე ადამიანი დარჩა.