რუსეთის პრეზიდენტის პრესს-მდივანმა დიმიტრი პესკოვმა განაცხადა, რომ რუსეთის საგარეო საქმეთა სამინისტროს მიერ წამოყენებული საკითხი, ყირიმის გაეროს მანდატზე გადაცემის შესახებ აბსურდულია.

პოლონეთის საგარეო საქმეთა მინისტრმა რადოსლავ სიკორსკიმ გუშინ, 19 სექტემბერს, კიევში YES-ის შეხვედრაზე ყირიმის გაეროს მანდატით გადაცემის შესახებ წამოჭრა საკითხი, რომლის მიხედვითაც 20 წელიწადში უნდა ჩატარდეს რეფერენდუმი მის სტატუსზე

„ჩვენ ვფიქრობთ, რომ ეს საკითხის დასმის საკმაოდ აბსურდული გზაა. რუსეთის ტერიტორია და რუსეთის რეგიონები არ შეიძლება იყოს რაიმე განხილვის საგანი ან ვინმესთვის გადაცემა“, — ციტირებს TASS-ი პესკოვს.

რუსეთის პრეზიდენტმა ვლადიმერ პუტინმა მანამდე არაერთხელ განაცხადა, რომ ნახევარკუნძულის საკუთრების საკითხი სამუდამოდ დახურულია.