ნებისმიერი კომპანიისთვის წარმატების უმთავრესი გასაღები მოხმარებელზე ზრუნვა და მუდმივი სიახლეებია. სწორედ ამიტომ, თიბისი თავის მომხმარებლებს ინოვაციურ პროდუქტს სთავაზობს. ეს არის თიბისის მობაილბანკის ფუნქციონალი, რომლის დახმარებითაც შესაძლებელია გადახდილი თანხის უკან დაბრუნება და მისი თვეებზე გადანაწილება.

რას გულისხმობს თიბისის ინოვაციური პროდუქტი?

ამ პროდუქტის დანერგვით, თიბისის მომხმარებლებს შეუძლიათ ბოლო ორი კვირის განმავლობაში განხორციელებული ტრანზაქციის უკან დაბრუნება და მისი 4 თვემდე გადანაწილება.

ამასთან ერთად, განაწილება შესაძლებელია თვიური 1%-იანი განაკვეთით (ეფექტური 23.4%). მაგალითად, თუ მომხმარებელი 100 ლარს დაიბრუნებს, მას ყოველთვიურად 26-26 ლარის გადახდა მოუწევს.

მომხმარებლებმა უნდა გაითვალისწინონ ისიც, რომ განაწლების ლიმიტი არის 50-დან 5000 ლარამდე.

როგორ ვისარგებლოთ ამ პროდუქტით?

თიბისის მობაილბანკის ახალი ფუნქციონალით სარგებლობა ძალიან მარტივია. ამისთვის საჭიროა:

  • დაიმტკიცოთ განაწილების ლიმიტი მობაილბანკში;
  • შეარჩიოთ ბოლო ორი კვირის განმავლობაში, ლარში განხორციელებული ტრანზაქციებიდან ერთ-ერთი და დააჭიროთ ღილაკს ტრანზაქციის განაწილება.

წესების გაცნობისა და მასზე დათანხმების შემდეგ, თანხა ანგარიშზე დაგიბრუნდებათ და მის განაწილებას 4 თვემდე შეძლებთ.