აშშ-ის სახელმწიფო დეპარტამენტმა სავიზო სანქციები 60 პირს და მათი ოჯახის წევრებს, საქართველოში დემოკრატიისთვის ძირის გამოთხრის გამო სავიზო სანქციები დაუწესა.

სახდეპის განცხადებაში წერია, რომ სანქცირებულთა შორის არიან მუნიციპალიტეტებში ბიზნესების ხელმძღვანელები, დეზინფორმაციის გამავრცელებლები, ძალადობრივი ექსტრემიზმის ხელშემწყობები, სამართალდამცავები, პარლამენტის წევრები.

"ამას (ხაზინის სანქციების) გარდა, სახელმწიფო დეპარტამენტი დგამს დამატებით ნაბიჯებს, რომ დაწესდეს სავიზო შეზღუდვები 60-ზე მეტ ქართველ პირსა და მათი ოჯახის წევრებზე - ვინც პასუხისმგებლები, ან თანამონაწილეები არიან საქართველოში დემოკრატიისთვის ძირის გამოთხრაში. ამ პირებს შორის არიან მთავრობისა და მუნიციპალიტეტების მაღალი თანამდებობის ფიგურები, რომლებმაც ბოროტად გამოიყენეს საკუთარი ძალაუფლება ქართველი ხალხის ფუნდამენტური თავისუფლებების შესაზღუდად; ბიზნესების ხელმძღვანელები, რომლებიც ჩართული იყვნენ კორუფციულ საქმიანობაში; პირები, რომლებიც ავრცელებდნენ დეზინფორმაციას და ახალისებდნენ ძალადობრივ ექსტრემიზმს; სამართალდამცველები, რომლებიც ჩართული იყვნენ დემონსტრანტების ცემაში და პარლამენტის წევრები, რომლებმაც კრიტიკული როლი ითამაშეს არადემოკრატიული კანონის დაწინაურებასა და სამოქალაქო საზოგადოების შეზღუდვაში

საქართველოში ადამიანის უფლებების დარღვევებით და ანტიდემოკრატიული ქმედებებით კვლავ შეშფოთებულები ვართ და საპასუხოდ დამატებით ზომებს განვიხილავთ. აშშ ერთმნიშვნელოვნად ემხრობა ქართველთა უფლებას, ძალადობის, დაშინებისა და შევიწროების შიშის გარეშე შეიკრიბონ, გამოხატონ აზრი და მშვიდობიან პროტესტში მონაწილეობა მიიღონ",- წერია განცხადებაში.

ცნობისთვის, აშშ-ის ხაზინამ ზურაბ ხარაზიშვილი, იგივე "ხარება", მისი მოადგილე, მილერი ლაგაზაური და ალტ-ინფოს წევრები დაასანქცირა.

აშშ-ის ხაზინამ ზვიად ხარაზიშვილი (ხარება) და მისი მოადგილე დაასანქცირა