მარისა პარედესი ესპანური თეატრისა და კინოს მსახიობი საქართველოს ქუთაისის საერთაშორისო მოკლემეტრაჟიანი ფილმების ფესტივლის ფარგლებში ეწვევა.

როგორც ცნობილია, მსახიობი ქართველ მაყურებელსა და კინომოყვარულებს 5 ოქტომბერს შეხვდება, ხოლო ფესტივალის ორგანიზატორების თქმით, 8 ოქტომბერს ქალი მსახიობები მარისა პარედესის მასტერკლასზე დასწრებას უფასოდ შეძლებენ.

პარედესმა სამსახიობო კარიერა 1960 წელს დაიწყო, როდესაც მონაწილეობა მიიღო ფილმში 091, Police Speaking!. ამ ფილმის შემდეგ მსახიობი ესპანელი თინეიჯერებისთვის ერთგვარ კერპად იქცა. 1961 წელს კი მისი დებიუტი თეატრის სცენაზეც შედგა.

ფოტო: Getty Images

აღსანიშნავია, რომ მარისა პარედესს წარმატების მიღწევაში პედრო ალმადოვარი დაეხმარა, იგი ცნობილია ალმადოვარის ისეთ ფილმებში შესრულებული როლებით, როგორიცაა: მაღალი ქუსლები, ყველაფერი დედაჩემის შესახებ, ჩემი საიდუმლოს ყვავილი და სხვა.

ქართველ მაყურებელს მარისა პარედესი განსაკუთრებით კარგად ახსოვს ალბათ რობერტ ბენინის ფილმში ცხოვრება მშვენიერია შესრულებული როლით.