აშშ-ის სახელმწიფო დეპარტამენტი იუწყება, რომ აშშ-ის სახელმწიფო მდივანი ენტონი ბლინკენი და გაერთიანებული სამეფოს საგარეო საქმეთა მინისტრი 11 სექტემბერს კიევს ეწვევიან.

"ისინი (ენტონი ბლინკენი და დევიდ ლემი) შეხვდებიან უკრაინის პრეზიდენტ ვოლოდიმერ ზელენსკის და უკრაინის მთავრობის მაღალჩინოსნებს, იმისთვის, რომ რუსეთის აგრესიის წინააღმდეგ უკრაინის თავდაცვისადმი მხარდაჭერა განიხილონ. ასევე განიხილავენ თუ როგორ უნდა უზრუნველყონ უკრაინის განვითარების სამხედრო, დემოკრატიული და ეკონომიკური კუთხით გრძელვადიან პერსპექტივაში" — წერია აშშ-ის სახელმწიფო დეპარტამენტის განცხადებაში.

დეპარტამენტის ინფორმაციით, ბლინკენი 12 სექტემბერს პოლონეთს ეწვევა, სადაც პოლონელ მაღალჩინოსნებს შეხვდება მნიშვნელოვანი საკითხების განსახილველად — როგორიც არის, თავდაცვისა და ენერგეტიკის თანამშრომლებს გაღრმავება და ორი ქვეყნის, ნატო-ს მოკავშირეების მუშაობა, უკრაინის თავდაცვის მხარდასაჭერად.