თავისუფალი საქართველო ოპოზიციურ პარტიებს საერთო კანდიდატებზე შეთანხმებისკენ მოუწოდებს. პარტიაში აღნიშნავენ, რომ ოპოზიციური პარტიების მიერ კანდიდატების ცალ-ცალკე დაყენება ნაციონალური მოძრაობისა და ქართული ოცნების "წისქვილზე წყალს ასხამს".

"მივმართავთ პირველ რიგში ლეიბორისტულ პარტიას, დემოკრატიულ მოძრაობას და პატრიოტთა ალიანსს - სწორედ ჩვენზეა დამოკიდებული გაგრძელდება თუ არა 2017 წლის ოქტომბრიდან საქართველოში 2 პარტიული კოაბიტაციის მახინჯი პროცესი", - აღნიშნავენ თავისუფალ საქართველოში.

თავისუფალი საქართველო სხვა პარტიებს მოუწოდებს მიმდინარე კვირაში დაასრულონ კონსულტაციები და შეთანხმდნენ საერთო კანდიდატებზე თბილისსა და რეგიონებში.

"ჩვენი მხრივ მზად ვართ ნებისმიერი კომპრომისისთვის ერთიანობის ინტერესებიდან გამომდინარე", - აღნიშნავენ თავისუფალ საქართველოში.