სენატორმა შაჰინმა რაც თქვა, წმინდა წყლის ტყუილია, — ასე გამოეხმაურა პრემიერ-მინისტრი ირაკლი კობახიძე სენატორ ჯინ შაჰინის განცხადებას National Journal-თან, სადაც სენატორმა განაცხადა, რომ პრემიერ-მინისტრის თხოვნა იყო, შეეწყვიტა აშშ-ს ქართული ოცნებისადმი ყველა კრიტიკულად განწყობილი სამოქალაქო საზოგადოების დაფინანსება.

კობახიძის თქმით, სამწუხაროა, რომ ასეთ ტყუილს კადრულობს ადამიანი, რომელიც ატარებს აშშ-ის სენატორის ძალიან მაღალ სტატუსს.

"ასეთი რამ არ მითქვამს მე შეხვედრაზე. ეს არის ჩვეულებრივი წმინდა წყლის ტყუილი და ჩემთვის სამწუხაროა, რომ ასეთ ტყუილს კადრულობს ადამიანი, რომელიც ატარებს ამერიკის შეერთებული შტატების სენატორის ძალიან მაღალ სტატუსს. ეს არის უკიდურესად სამწუხარო და შემაშფოთებელი", — აღნიშნა პრემიერმა.

ამავე თემაზე:

სენატორი შაჰინი: პრემიერ-მინისტრის თხოვნა იყო, რომ შევწყვიტოთ ყველა სამოქალაქო საზოგადოების დაფინანსება