BBC-ის ცნობთ, ერთ-ერთი ყველაზე საშიში ტაიფუნი სამხრეთ ჩინეთისკენ მიემართება.

ტაიფუნი სახელად "იაგი" შესაძლოა ყველაზე დამანგრეველი აღმოჩნდეს და კატასტროფული ზიანი მოიტანოს.

ამ დროისთვის შეჩერებულია მატარებლების გადაადგილება, ფრენები, დახურულია სკოლები და სხვა დაწესებულებები. ჰაინანის ხელისუფლებამ, ყველა ტურისტული ატრაქციონის დახურვის ბრძანება გასცა, ასევე დაიხურა მსოფლიოში ყველაზე გრძელი საზღვაო გადასასვლელი, მთავარი ხიდი, რომელიც აკავშირებს ჰონგ კონგს-მაკაოსა და ჟუჰაის გუანდონგში.

კვირის დასაწყისში "იაგი"-სგან გამოწვეულმა წყადიდობებმა და მეწყერმა უკვე იმსხვერპლა სულ მცირე 13 ადამიანი ჩრდილოეთ ფილიპინებში. ათასობით მოქალაქეს კი საკუთარი სახლის დატოვება და უსაფრთხო ადგილზე გადასვლა მოუწია.

მეცნიერები ვარაუდობენ, რომ კლიმატის ცვლილებასთან ერთად, მსგავსი ტიპის ქარიშხლები მეტად დამანგრეველი და ხშირი მოვლენა გახდება.