26 ოქტომბრის საპარლამენტო არჩევნებისთვის პარტიების რეგისტრაციის პროცესი დასრულდა — ამის შესახებ ინფორმაციას ცენტრალური საარჩევნო კომისია ავრცელებს.

"პოლიტიკური პარტიებისთვის შემდეგი ეტაპი მოიცავს პარტიული სიების წარმოდგენას, რისთვისაც მათ ვადა 26 სექტემბრამდე აქვთ. კანონმდებლობის თანახმად, საარჩევნო სუბიექტმა პარტიული სია ცესკოს თავმჯდომარეს უნდა წარუდგინოს არჩევნების დღემდე არაუგვიანეს 30-ე დღისა. ყოველ პარტიას უფლება აქვს თითო პარტიული სია წარადგინოს.

პარტიულ სიაში პარლამენტის წევრობის კანდიდატთა რაოდენობა არ უნდა იყოს 30-ზე ნაკლები და 200-ზე მეტი. დაუშვებელია ერთი და იმავე პირის შეყვანა სხვადასხვა პარტიულ სიაში. პარტიული სიების წარდგენის შემდეგ კი დაიწყება წარმოდგენილი დოკუმენტაციის შემოწმებისა და შემდეგ უკვე რეგისტრაციის პროცესი". — წერია ცესკოს განცხადებაში.

ცესკოს ცნობით, საპარლამენტო არჩევნებისთვის სულ 27 პარტიაა რეგისტრირებული.

2024 წლის საპარლამენტო არჩევნები 26 ოქტომბერს გაიმართება. 27 აგვისტოდან კი საქართველოში წინასაარჩევნო კამპანია ოფიციალურად დაიწყო.

ამავე თემაზე: