2024 წლის იანვარი-ივნისის თვეებში საქართველოდან რუსეთში ექსპორტირებული ღვინის საერთო ღირებულება 29 მილიონი დოლარითაა გაზრდილი, რაც წინა წელთან შედარებით 36%-იანი ზრდაა. უმსხვილეს ექსპორტიორ კომპანიათა შორის უმეტესობის მფლობელი და დირექტორი ქართული ოცნების შემომწირველი და პარტიის ლიდერებთან დაკავშირებული პირები არიან. ამის შესახებ ინფორმაციას ფლანგვის დეტექტორი აქვეყნებს.

ფლანგვის დეტექტორი წერს, რომ ექსპორტიორი კომპანიები ხელისუფლებისგან შეღავათიანი აგროკრედიტების თანადაფარვითა და სუბსიდიებით სარგებლობენ.

ღვინის უმსხვილესი ექსპორტიორები არიან: დუგლაძეების ღვინის კომპანია, კახური ტრადიციული მეღვინეობა, ასკანელი ძმები, GVMT GROUP, შალვინო, წინანდლის ძველი მარანი, კომპანია ბესინი.

დუგლაძეების ღვინის კომპანიამ 6 თვეში 15 მლნ დოლარის ღვინო გაიტანა რუსეთში.

2021-2023 წლებში მიღებული აქვს 1.7 მლნ ლარის აგროკრედიტი და 1,23 მლნ ლარის სუბსიდიები;

კომპანიის მფლობელები არიან: დეპუტატი ზაალ დუგლაძე და ალექსანდრე ივანიშვილი (ბიძინა ივანიშვილის ძმა);

კახური ტრადიციული მეღვინეობამ 6 თვეში 10.18 მლნ დოლარის ღვინო გაიტანა რუსეთში.

2021-2023 წლებში მიღებული აქვს 2.8 მლნ ლარის აგროკრედიტი და 4 მლნ ლარის სუბსიდიები.

კომპანიის მფლობელია ოცნების შემომწირველი და ე.წ. რუსული კანონის მხარდამჭერი ზურაბ ჩხეიძე;

ასკანელი ძმებმა 6 თვეში 9.9 მლნ დოლარის ღვინო გაიტანა რუსეთში.

2021-2023 წლებში მიღებული აქვს 1.8 მლნ ლარის აგროკრედიტი და 1.25 მლნ ლარის სუბსიდიები.

მისი მფლობელია რუსეთის და საქართველოს ორმაგი მოქალაქე, გოგა ჩხაიძე, დირექტორი — ქართული ოცნების შემომწირველი ირაკლი უგლავა, კომპანიის სამეთვალყურეო საბჭოს წევრები არიან: ოცნების შემომწირველი ჯიმშერ ჩხაიძე და რუსეთის მოქალაქე ნატალია სტროგანოვა;

GVMT GROUP-მა 6 თვეში 6.18 მლნ დოლარის ღვინო გაიტანა რუსეთში. 2021-2023 წლებში მიღებული აქვს 561 ათასი ლარის აგროკრედიტი.

მისი დირექტორია ოცნების შემომწირველი გიორგი ბოლოთაური და მფლობელი უჩა მამაცაშვილის პარტნიორი და რუსეთში ორმაგი მოქალაქე ვახტანგ კარიჭაშვილი;

შალვინომ 6 თვეში 4.9 მლნ დოლარის ღვინო გაყიდა რუსეთში.

2021-2023 წლებში მიღებული აქვს 218 ათასი ლარის აგროკრედიტი და 147 ათასი ლარის სუბსიდიები. მისი მფლობელები არიან ოცნების შემომწირველები, ლევან და შალვა გვარამიძეები.

წინანდლის ძველმა მარანმა 6 თვეში 4.67 მლნ დოლარის ღვინო გაიტანა რუსეთში.

2021-2023 წლებში მიღებული აქვს 740. ათას ლარამდე აგროკრედიტი და ერთი მილიონი ლარის სუბსიდიები

კომპანია ბესინიმ 6 თვეში 4 მლნ დოლარამდე ლარის ღვინო გაიტანა რუსეთში.

2021-2023 წლებში მიღებული აქვს აგროკრედიტი და სუბსიდიები.