ტელეკომპანია ფორმულას ინფორმაციით, მეოთხე საკითხი, რომლის კონსტიტუციით მოწესრიგების დაპირებასაც წინასაარჩევნოდ ქართული ოცნება საკონსტიტუციო უმრავლესობის მიღების შემთხვევაში იძლევა, მართლმადიდებლობის სახელმწიფო რელიგიად გამოცხადებაა.

მედიის ცნობით, აღნიშნულ საკითხზე შეხვედრა საპატრიარქოში გუშინ, 26 აგვისტოს, გაიმართა.

პუბლიკამ გაავრცელა პროტოპრესვიტერი გიორგი ზვიადაძის კომენტარი, სადაც ზვიადაძე ზემოთ ნახსენებ შეხვედრაზე საუბრისას ამბობს, რომ არავითარი საფუძველი არ არის, რომ ის სამართლებრივი მოდელი, რაც დღეს არსებობს სახელმწიფოსა და ეკლესიას შორის, შეიცვალოს.

შეგახსენებთ, რომ მართლმადიდებლობას სახელმწიფო რელიგიის სტატუსი არ აქვს, თუმცა არსებობს კონსტიტუციური შეთანხმება ეკლესიასა და სახელმწიფოს შორის, რომელიც მართლმადიდებელი ეკლესიის განსაკუთრებულ როლს უსვამს ხაზს.

"ვესწრებოდი გუშინდელ შეხვედრას. ეს არის ძალიან კორექტული, ძალიან მშვიდი და არგუმენტირებული საუბარი იმასთან დაკავშირებით, რაც უკავშირდება სამართლებრივ მოდელებს ეკლესიას და სახელმწიფოს შორის. […] არავითარი საფუძველი არ არის, რომ ის სამართლებრივი მოდელი, რაც დღეს არსებობს სახელმწიფოსა და ეკლესიას შორის, შეიცვალოს”, — აცხადებს გიორგი ზვიადაძემ