საფრანგეთის მოქალაქე და Telegram-ის დამფუძნებელი, პაველ დუროვი საკანონმდებლო დარღვევების გამო, პარიზის აეროპორტში დააკავეს.

39 წლის მილიონერი, 25 აგვისტოს აზერბაიჯანიდან, საკუთარი თვითმფრინავით მოფრინავდა, როცა პარიზის — ლე ბურჟეს აეროპორტში ჩაფრენისთანავე დააკავეს.

მომხდართან დაკავშირებით X-ის მფლობელმა, ილონ მასკმაც გააკეთა კომენტარი და თქვა, რომ ევროპაში სიტყვის თავისუფლებას თავს ესხმიან.

Telegram-მა მოკლე განცხადება გამოაქვეყნა, სადაც ნათქვამია, რომ დუბაიში ბაზირებული კომპანია ექვემდებარება და იცავს ევროკავშირში არსებულს წესებს და მისი მოდერაცია შეესაბამება ინდუსტრიის სტანდარტებს და მუდმივად დახვეწის პროცესშია.


"Telegram-ის უფროსს, პაველ დუროვს არაფერი აქვს დასამალი და ხშირად მოგზაურობს ევროპის ფარგლებში [...] აბსურდია იმის თქმა, რომ პლატფორმა და მისი მფლობელი დამნაშავეები არიან ამავე პლატფორმის ბოროტად გამოყენებაში", — წერს Telegram.

დუროვს გაერთიანებული საამიროებისა და საფრანგეთის მოქალაქეობა აქვს. იგი პლატფორმის ბოროტად გამოყენებაში, ნარკოტიკების რეალიზაციაში, პედოფილიასთან დაკავშირებული მასალის გავრცელებასა და თაღლითობაშია ეჭვმიტანილი.