ბათუმის დელფინარიუმის ცნობით, 15 აგვისტოს 13:45 წუთზე, ფეხფარფლიანთა განყოფილებაში სელაპს, მეტსახელად კონი, რიგით მესამე ნაშიერი შეეძინა. სქესი ჯერჯერობით უცნობია. მამა პედროა. პატარა სრულიად ჯანმრთელია. იკვებება დედის რძით. დაიბადა მუქი ყავისფერი ბეწვით. წონა სავარაუდოდ 5-7 კგ-ია, სიგრძე 65 -70 სმ. პატარა სელაპი დედის ყურადღების მისაქცევად ხმის ტონს უწევს ხოლმე, ადამიანთა მსგავსად.

კონის შვილი, რამდენიმე საათის დაბადებული პატარა სელაპი

კონის შვილი, რამდენიმე საათის დაბადებული პატარა სელაპი

ფოტო: Dolphinarium

მეორე დღეს კი, 16 აგვისტოს, დილით 08:15 წუთზე, დელფინების ოჯახში დანამ მეორე შვილი გააჩინა. დანამ ექოსკოპიის თანახმად დადგენილ ვადას ოდნავ გადააცილა, რაც ზოგადად, ზღვის ძუძუმწოვრებში მდედრობითი სქესის ნაყოფის ყოლის დროს ხდება ხოლმე. ჯერ-ჯერობით სქესი დაზუსტებული არ არის. დედა-შვილი თავს შესანიშნავად გრძნობენ.