სტატისტიკის ეროვნული სამსახურის მონაცემებით, 2024 წლის ივლისში სამრეწველო პროდუქციის მწარმოებელთა ფასების ინდექსი, წინა თვესთან შედარებით, 0.5%-ით შემცირდა, ხოლო წინა წლის შესაბამის თვესთან შედარებით, 8.2%-ით გაიზარდა.

ჯგუფში შემავალი პროდუქტებიდან აღსანიშნავია ფასების -0.9-პროცენტიანი კლება კვების პროდუქტებსა და სასმელებზე. გარდა ამისა, ფასების 1.4%-იანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.14 პროცენტული პუნქტი შეადგინა.

“12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 20.9%-ით; ჯგუფში აღსანიშნავია ფასების მატება ლითონის მადნებზე (22.7%);

დამამუშავებელი მრეწველობის პროდუქციაზე ფასები გაიზარდა 7.4%-ით, რამაც მთლიანი ინდექსის ზრდაზე 5.99 პროცენტული პუნქტით მოახდინა გავლენა.

ფასები გაიზარდა შემდეგ ქვეჯგუფებზე: კვების პროდუქტები (10.1 პროცენტი) და ძირითადი ლითონები (7.4%); ელექტროენერგია, აირი, ორთქლი და კონდიცირებული ჰაერი: ფასები გაიზარდა 7.6%-ით, რამაც მთლიანი ინდექსის წლიურ ცვლილებაზე 0.81 პროცენტული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 8.9%-, რამაც მთლიან ინდექსზე 0.21 პროცენტული პუნქტით იქონია გავლენა“, — აღნიშნულია საქსტატის მიერ გამოქვეყნებულ ანგარიშში.