აშშ-მა სენატორებმა რუსეთზე სანქციების შესახებ ორპარტიული კანონპროექტი განაახლეს და მისი მოქმედების არეალი ირანზეც გააფართოვეს. შესაბამისად, დოკუმენტს ახალი სახელწოდება აქვს — "ლინდსი ო. გრემის 2026 წლის რუსეთისა და ირანის სანქციების აქტი". ინფორმაციას "რადიო თავისუფლების" ვაშინგტონელი კორესპონდენტი ავრცელებს.

როგორც ის წერს, რადიო (Radio Free Europe/Radio Liberty) მიერ მოპოვებული განახლებული კანონპროექტი ინარჩუნებს რუსეთის წინააღმდეგ გათვალისწინებულ ფართომასშტაბიან სანქციებს, რომლებიც უკრაინაში ომის გამოა შემუშავებული. ამასთან, მას დაემატა დებულება, რომელიც 1996 წლის ირანის სანქციების აქტის მოქმედების გაგრძელებას ითვალისწინებს.

ცვლილება კანონპროექტის რუსეთის მიმართულებით სანქციების ძირითად არქიტექტურას არსებითად არ ცვლის. ეს მიუთითებს, რომ კანონმდებლები მის მოქმედებას ირანზეც ავრცელებენ, თუმცა უცვლელად ტოვებენ იმ ორპარტიულ ჩარჩოს, რომელიც კრემლზე უკრაინაში წარმოებული ომის გამო ეკონომიკური ზეწოლის გასაძლიერებლად შეიქმნა.