შეერთებული შტატების სახელმწიფო მდივანი, ენტონი ბლინკენი ისრაელის ლიდერებთან შესახვედრად თელ-ავივს ესტუმრა.

ამ ვიზიტის ფარგლებში ბლინკენი, ისრაელსა და ჰამასს შორის, ღაზაში ცეცხლის შეწყვეტის საკითხზე შეთანხმების მიღწევას ცდილობს და ამბობს, რომ "ეს, შესაძლოა, ტყვეების სახლში დაბრუნების უკანასკნელი შანსი იყოს"

"ეს არის გადამწყვეტი მომენტი, სავარაუდოდ საუკეთესო და ალბათ, უკანასკნელი შესაძლებლობა: ტყვეების სახლში დასაბრუნებლად, ცეცხლის შეწყვეტის მისაღებად და იმისთვის რომ ყველა უკეთეს გზაზე დავაყენოთ, გავაძლიეროთ მშვიდობა და უსაფრთხოება.

მე ვარ აქ, პრეზიდენტი ბაიდენის დავალებით და ინტენსიურად ვმუშაობ, რათა მოლაპარაკებები ბოლომდე მივიყვანო.

დროა ეს გამოვიდეს. დროა, ვიყოთ დარწმუნებულები, რომ ვერავინ გადადგამს ისეთ ნაბიჯებს, რაც ამ პროცესს ნორმალიზაციის რელსებიდან გადაიყვანს. ამიტომ, ჩვენ ვმუშაობთ, რათა დავრწმუნდეთ, რომ არანაირ ესკალაციებს, პროვოკაციას და მსგავს ქმედებებს ადგილი არ ექნება" — განაცხადა ბლინკენმა.