კურსკის ოლქის მოსახლეობას, რომელთაც უკრაინის სამხედრო ძალების მიერ წამოწყებული ოპერაციის შედეგად სახლების დატოვება მოუწიათ, ერთჯერადად 10 ათასი რუბლი (115 $ / 314 ლარი) გადაეცემათ.

ამის შესახებ რუსეთის პრეზიდენტმა, ვლადიმირ პუტინმა კურსკის ოლქის გუბერანტორის მოვალეობის შემსრულებელთან, ალექსეი სმირნოვთან საუბარში განაცხადა.

კურსკის ოლქში საგანგებო მდგომარეობაა გამოცხადებული; იქ, ამ დრომდე გრძელდება უკრაინის მიერ დაწყებული სამხედრო მოქმედებები.

''რუსეთი მუდამ მოიმკის იმას, რაც დათესა" — დაწერა, უკრაინის პრეზიდენტის ოფისის მრჩეველმა, მიხაილო პოდოლიაკმა

საერთაშორისო მედიაში გავრცელებული ცნობებით, 6 აგვისტოს, უკრაინის შეიარაღებულმა ძალებმა რუსეთის ტერიტორიაზე, კურსკის ოლქში, სამი სოფელი აიღეს. ერთ-ერთი ტელეგრამ-არხის ავტორის, მიხაილ ზვინჩუკის თქმით, უკრაინელების დანაყოფმა დაიკავა: ნიკოლაევო-დარინო, დარინო და სვერდლიკოვო.

რუსეთის პრეზიდენტმა, ვლადიმერ პუტინმა, ამ ყოველივეს ''კიევის მასშტაბური პროვოკაცია'' უწოდა.