საქართველოს პროკურატურამ გორის მუნიციპალიტეტში მომხდარი მძიმე დანაშაულის შეუტყობინებლობის ფაქტზე ერთ პირს ბრალი წარუდგინა.

29 ივლისს, სოფელ ატენში შსს-ს განსაკუთრებულ დავალებათა დეპარტამენტის ინსპექტორმა თანასოფლელი მძიმედ დააზიანა.

გამოძიებამ დაადგინა, რომ დანაშაულს ერთი ადამიანი შეესწრო, თუმცა ამის შესახებ შესაბამისი ორგანოებისთვის არ განუცხადებია.

სპეციალური საგამოძიებო სამსახურის ცნობით, ბრალდებული თავს არიდებს საგამოძიებო ორგანოში გამოცხადებას.

მას ბრალი 376-ე მუხლის 1-ლი ნაწილით დაუსწრებლად წარედგინა, რაც მძიმე დანაშაულის შეუტყობინებლობას გულისხმობს.

სისხლის სამართლის საქმეზე გამოძიება გრძელდება.