მოსკოვის სასამართლომ იულია ნავალნაიას დაკავების ორდერი გასცა
![](http://joey.on.ge/2024/07/10/2cef76d0-3e0e-11ef-b29d-61ef83ddf068.png-ezgif.com-webp-to-jpg-converter_1_668e658de6cf4.jpg)
ფოტო: წყარო: BBC
გუშინ, 9 ივლისს, მოსკოვის სასამართლომ ალექსეი ნავალნის ქვრივის, იულია ნავალნაიას დაკავების ორდერი გასცა.
ნავალნაია რუსეთში არ ცხოვრობს. დაუსწრებლად წაყენებული ბრალდება, სავარაუდოდ, "ექსტრემისტული საზოგადოების წევრობას" უკავშირდება.
მოსკოვის სასამართლოს განცხადებით, ნავალნაიას, რომელმაც პირობა დადო რომ გააგრძელებდა თავისი ქმრის საქმეს, უნდა შეეფარდოს პატიმრობა და მასზე ძებნა გამოცხადდეს.
ეს გადაწყვეტილება ნიშნავს, რომ რუსეთში ჩასვლის შემთხვევაში, გარდაცვლილი ოპოზიციონერის ცოლს პატიმრობა შეეფარდება.
იულია ნავალნაია დაკავების ორდერის გაცემას X-ზე გამოეხმაურა.
"როდესაც ამის შესახებ წერთ, გთხოვთ, არ დაგავიწყდეთ დაწეროთ მთავარი — ვლადიმირ პუტინი არის მკვლელი და ომის დამნაშავე. მისი ადგილი არა სადღაც ჰააგის მყუდრო ტელევიზორიან საკანში, არამედ რუსეთის ციხეშია — იმავე კოლონიაში და იმავე საკანში, რომელშიც მან მოკლა ალექსეი“.
გაიგე მეტი: ვინ არის იულია ნავალნაია, პუტინის ახალი მტერი
ალექსეი ნავალნი რუსეთში, ბოლო ათწლეულების განმავლობაში, ყველაზე ცნობილი ოპოზიციური ლიდერი იყო.
ის თებერვალში, რუსეთის ჩრდილოეთით მდებარე ციხეში გარდაიცვალა. ხელისუფლების ინფორმაციით, მიზეზი ბუნებრივი გარდაცვალება იყო, თუმცა მისი ცოლი ამბობს, რომ ოპოზიციონერი პოლიტიკოსი იყო "ნაწამები, ნაშიმშილევი და მოკლული რუსეთის პრეზიდენტის, ვლადიმირ პუტინის მიერ".
მსგავსი: გამოითვალეს, რამდენი ადამიანი დაესწრო ნავალნის დაკრძალვას მოსკოვში
ნავალნის ექსტრემისტულ ბრალდებებს 19 წლის განმავლობაში უყენებდნენ, პოლიტიკური მოტივებიდან გამომდინარე.
BBC წერს, რომ მისი ცოლის დასაკავებელი ორდერის გაცემას, შესაძლოა, კავშირი ჰქონდეს 2021 წლის ივნისს, მოსკოვის სასამართლოს მიერ მიღებულ გადაწყვეტილებასთან, რომლის მიხედვით ალექსეი ნავალნისთან დაკავშირებულ ორგანიზაციებს ექსტრემისტის სტატუსი მიანიჭეს და დახურეს.
ივლისში ნავალნაია არჩიეს ამერიკაში დაფუძნებული ადამიანის უფლებათა ფონდის თავმჯდომარედ, ეს არის არაკომერციული ორგანიზაცია, რომელიც ორიენტირებულია მსოფლიოში ადამიანის უფლებების პოპულარიზაციასა და დაცვაზე.
მან, ასევე, განაცხადა რომ ამ როლს გამოიყენებს მისი ქმრის მიერ წამოწყებულ საქმის გაძლიერებაში, რომელიც ვლადიმირ პუტინთან ბრძოლას გულისხმობს.
ამ თემაზე: იულია ნავალნაია — ალექსეი ნავალნის საქმეს მე გავაგრძელებ
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები