ინტერნეტში ორი ახალი თაღლითური სქემა ვრცელდება — რა უნდა ვიცოდეთ
![](http://phoebe.on.ge/2024/07/09/kivber_668d143a277de.jpg)
ფოტო: Shutterstock
არასამთავრობო ორგანიზაცია საზოგადოება და ბანკები მოსახლეობას ინტერნეტსივრცეში გავრცელებული ორი თაღლითურის სქემის შესახებ აფრთხილებს.
პირველი სქემის შემთხვევაში
სხვადასხვა სოციალური ქსელში ვრცელდება რეკლამები, სადაც მცირე ინვესტიციის დიდი ამონაგებს ჰპირდებიან მომხმარებელს, ან სთავაზობენ დასაქმებას.
ასევე, უკავშირდებიან მომხმარებლებს სოციალური ქსელით, სხვადასხვა აპლიკაციით (Whatsapp, Viber, Messenger), ცდილობენ დაარწმუნონ, რომ განახორციელონ ინვესტიცია, ივაჭრონ სხვადასხვა აქციით ან აქტივით, ასევე, სთავაზობენ კრიპტო ბირჟაზე ვაჭრობას, დიდი მოგების დაპირებით.
ამისთვის ურჩევენ აპლიკაციის დაყენებას.
მას შემდეგ, რაც მომხმარებელი ვერ შეასრულებს რამეს დისტანციურად, სთავაზობენ ენიდესკის, ან სხვა მსგავსი აპლიკაციის დაყენებას, რომლის საშუალებითაც, თითქოს უნდა დაეხმარონ. აპლიკაციის დაყენების შემთხვევაში კი მომხმარებელი თაღლითს მოწყობილობაზე წვდომას აძლევს.
"იყო შემთხვევები, როდესაც მომხმარებლები დაგვიკავშირდნენ და მოგვიყვნენ, რომ უყურებდნენ მათსავე მოწყობილობაში როგორ იაქტიურებდა კიბერთაღლითი სესხს, ან რიცხავდა თანხას. არის შემთხვევები, როდესაც მომხმარებელს არწმუნებენ, რომ გადარიცხვას თვითონვე აკეთებენ და შემდეგ, როცა ვერ მიიღებენ ამონაგებს, მერე მიხვდებიან, რომ თაღლითობის მსხვერპლი გახდნენ. ასევე, იყო შემთხვევები, როდესაც აშანტაჟებდნენ და ისე არიცხვინებდნენ თანხად", — წერია არასამთავრობო ორგანიზაციის განცხადებაში.
მეორე სქემა
ფოსტის სახელით მისული შეტყობინება, ამანათის ჩამოტანის შესახებ და ამასთან, თითქოს მომხმარებელს ატყობინებენ, რომ ამანათთან დაკავშირებით გარკვეული უზუსტობაა. ხარვეზის აღმოსაფხვრელად მომხმარებელს სთხოვენ, შეტყობინებით გაგზავნილ ბმულზე გადავიდნენ, სადაც უზუსტობის გასწორებას სთხოვენ.
აქ კი, საზოგადოება და ბანკების განცხადებით, 2 ვერსიაა: ბმულზე გადასვლით მომხმარებელი მიჰყავთ ბარათების მონაცემების შეყვანამდე, ან — დისტანციური არხის მონაცემების შეყვანამდე.
რჩევები არასამთავრობო ორგანიზაციისგან
- არ გადმოწეროთ აპლიკაციები სხვისი დავალებით, მითუმეტეს აპლიკაციები, რომელიც საშუალებას აძლევს თაღლითს შემოვიდეს თქვენს მოწყობილობაში.
- არ მისცეთ წვდომა თქვენს მოწყობილობაზე არავის.
- დიდ კომპანიებში დასაქმების დაპირების შემთხვევაში, აუცილებლად გადაამოწმეთ, რამდენად რეალურია შემოთავაზება.
- განსაკუთრებული ყურადღება უნდა მიაქციოთ დაუჯერებლად მიმზიდველ შეთავაზებას, რაც დიდი ალბათობით ყალბია. ამ მიმზიდველი შეთავაზების შემდეგი ეტაპია აპლიკაციის გადმოწერისა და ეკრანის გაზიარების მოთხოვნა.
- არ მიენდოთ საეჭვო ნომრიდან გამოგზავნილ შეტყობინებას ამანათის შესახებ და გადაამოწმეთ ინფორმაცია თქვენს გადამზიდავ კომპანიასთან.
- არ გახსნათ საეჭვო ბმული და არ შეიყვანოთ თქვენი ბარათის ან დისტანციური არხის მონაცემები.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები