DRI: დაკავებისას, მეფარიშვილი სასტიკად სცემეს; ოკრიბელაშვილის მამა აიძულეს, შვილის საწინააღმდეგო ჩვენებაზე ხელი მოეწერა
![](http://ross.on.ge/2024/05/30/image.jpg)
ფოტო: შინაგან საქმეთა სამინისტრო
მოკლედ: დემოკრატიის კვლევის ინსტიტუტი (DRI) წერს, რომ რუსული კანონის საწინააღმდეგო აქციაზე, დაკავების დროს, შინაგან საქმეთა სამინისტროს თანამშრომლებმა, საბა მეფარიშვილი სასტიკად სცემეს, რის შედეგადაც მან სახის და ორივე ფეხის არეში დაზიანებები მიიღო.
- DRI აქციაზე დაკავებული ომარ ოკრიბელაშვილისა და საბა მეფარიშვილის ინტერესებს იცავს.
დეტალები: DRI-ის მიხედვით, ორივე მოქალაქის დაკავებისას, ადგილი ჰქონდა შეურაცხყოფას, ფსიქოლოგიურ და ფიზიკურ ძალადობას. მათივე თქმით, დაკავებულებს არ მიეცათ დაცვის უფლებით სარგებლობის შესაძლებლობა, შედეგად კი, მოსალოდნელი ძალადობის შიშით, პოლიციის განყოფილებაში ხელი მოაწერეს დოკუმენტებს, რომელთა შინაარსს არ გასცნობიან.
- DRI წერს, რომ შსს-ს თანამშრომლებმა ომარ ოკრიბელაშვილის მამა აიძულეს ცენტრალური კრიმინალური პოლიციის შენობაში მისულიყო და შვილის საწინააღმდეგო ჩვენებაზე ხელი იძულებით მოაწერინეს.
- "სისხლის სამართლის საპროცესო კოდექსის მიხედვით, ყველა ადამიანს აქვს უფლება, უარი თქვას ოჯახის წევრის წინააღმდეგ ჩვენების მიცემაზე, თუმცა დაკავებულის მამისთვის ეს უფლება არ განუმარტავთ", — წერს DRI.
წინასწარი პატიმრობის შეფარდება: DRI-ის მიხედვით, ომარ ოკრიბელაშვილისა და საბა მეფარიშვილს ბრალი ედებათ ნივთის დაზიანებაში. დაკავებულებს საქართველოს პროკურატურა პარლამენტის წინ რკინის ჯებირის დაზიანებას და სახელმწიფოსთვის 400 ლარის ოდენობის ზიანის მიყენებას ედავება.
- ასანაზღაურებელი თანხის მცირე მოცულობის მიუხედავად, თბილისის საქალაქო სასამართლოს მოსამართლე დავით კურტანიძემ დაკავებულებს აღკვეთის ღონისძიების სახით წინასწარი პატიმრობა შეუფარდა.
DRI-ის შეფასებით, პრობლემურია სისხლის სამართლის კოდექსის ის მუხლი, რომლითაც გამოძიება მიმდინარეობს.
- DRI-მ აღნიშნული ნორმის არაკონსტიტუციურად ცნობის მოთხოვნით საკონსტიტუციო სასამართლოს სარჩელით ჯერ კიდევ 2024 წლის მარტში მიმართა.
- ორგანიზაციის შეფასებით, მუხლის, რომელიც გულისხმობს სხვისი ნივთის დაზიანება ან განადგურება ჯგუფურად, ნორმატიული შინაარსი და მისთვის გათვალისწინებული უალტერნატივო სასჯელი — თავისუფლების აღკვეთა ვადით 3-დან 6 წლამდე, შეუსაბამოა საქართველოს კონსტიტუციასთან, კერძოდ, ღირსებისა და თანასწორობის უფლებასთან.
წინასწარი პატიმრობის პირობები: დემოკრატიის კვლევის ინსტიტუტი წერს, რომ ომარ ოკრიბელაშვილი და საბა მეფარიშვილი გლდანის სასჯელაღსრულების დაწესებულებაში იმყოფებიან.
- დაკავებულების განცხადებით, ადვოკატების და სახალხო დამცველის წარმომადგენლების ვიზიტამდე, საკანში ჯოჯოხეთურ პირობებში უწევდათ ყოფნა. საკანში მათ მიმართ შექმნილი მტრული გარემო საპროტესტო დემონსტრაციებში მონაწილეობას უკავშირდებოდა.
- "ამჟამინდელი მდგომარეობით, ადვოკატებისა და სახალხო დამცველის წარმომადგენლების ვიზიტის შემდეგ, დაკავებულების მდგომარეობა გაუმჯობესებულია", — წერს DRI.
კონტექსტი: შინაგან საქმეთა სამინისტრომ, 16 მაისს განაცხადა, რომ 14 მაისს, პარლამენტთან, რუსული კანონის საპროტესტო აქციებში მონაწილე ორი პირი დააკავა.
- 14 მაისს, პარლამენტში, რუსული კანონის მესამე მოსმენით მიღების შემდეგ, სპეცრაზმმა პარლამენტის მიმდებარე ტერიტორია — მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა. გამოიყენეს წიწაკის სპრეიც.
- შსს-მ საპროტესტო აქციაზე 13 პირი დააკავა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები