მოკლედ: შინაგან საქმეთა სამინისტროს ინფორმაციით, 14 მაისს, პარლამენტთან, რუსული კანონის საპროტესტო აქციებში მონაწილე ორი პირი დააკავეს.

  • უწყება აცხადებს, რომ ისინი ჯგუფურად ჩადენილი ნივთის დაზიანების ბრალდებით დააკავა.

დეტალები: შსს-ს მიხედვით,

  • დაკავებულებმა ფიზიკური ძალის, ასევე, რკინის ნივთის გამოყენებით, პარლამენტის შესასვლელთან განთავსებული რკინის დამცავი ჯებირი მიზანმიმართულად დააზიანეს.
  • დანაშაული 6 წლამდე ვადით თავისუფლების აღკვეთას ითვალისწინებს.

კონტექსტი: 14 მაისს, პარლამენტში, რუსული კანონის მესამე მოსმენით მიღების შემდეგ, სპეცრაზმმა პარლამენტის მიმდებარე ტერიტორია — მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა. გამოიყენეს წიწაკის სპრეიც.

  • შინაგან საქმეთა სამინისტროს ინფორმაციით, საპროტესტო აქციაზე 13 პირი დააკავეს.
  • 14 მაისის, საღამოს, როდესაც რუსული კანონის მოწინააღმდეგეების ნაწილმა გმირთა მოედანზე სავალი ნაწილის გადაკეტვა სცადა, სამართალდამცველებმა რამდენიმე ადამიანი ძალის გამოყენებით დააკავეს.

მსგავსი: პოლიციის მხრიდან, კვლავ დაფიქსირდა მოქალაქეთა მიმართ რამდენიმე არასათანადო მოპყრობის ფაქტი — სახალხო დამცველი

გუშინ, 15 მაისს, სარეკლამო კომპანია "ლიმონის" ხელმძღვანელი, გიორგი ოკმელაშვილი დააკავეს.

  • სამინისტროს ცნობით, ოკმელაშვილმა 13 მაისს, თბილისში, პარლამენტის მიმდებარე ტერიტორიაზე გამართულ საპროტესტო აქციაზე, ფიზიკური შეურაცხყოფა მიაყენა შინაგან საქმეთა სამინისტროს თანამშრომლებს.
  • ოკმელაშვილს 7 წლამდე პატიმრობა ელის.

გაიგე მეტი: მოვუწოდებთ სპეციალური დანიშნულების რაზმის თანამშრომლებს, არ შეასრულონ უკანონო ბრძანებები — საია