მოკლედ: ევროპის ჩემპიონატის დროს, 18, 22 და 26 ივნისს, მიხეილ მესხის სახელობის სტადიონზე, თამაშების პირდაპირი ტრანსლაცია გაიმართება.

  • ამის შესახებ დღეს, 29 მაისს, თბილისის მერმა კახა კალაძემ, თბილისი მთავრობის სხდომაზე აღნიშნა.

დეტალები: "ჩვენ ვიფიქრეთ ამაზე, თუ რა უნდა გაგვეკეთებინა და ფეხბურთის ფედერაციასთან ერთად გადავწყვიტეთ, რომ ვინც გერმანიაში გამგზავრებას ვერ შეძლებს, გარე სივრცეში შეუძლია უყუროს თამაშებს", — თქვა კალაძემ.

გაიგე მეტი: მთავრობა ევროპის ჩემპიონატისთვის 3 000 ავიაბილეთს დაასუბსიდირებს

ბოლო ხაზი: საქართველოს ეროვნული საფეხბურთო ნაკრები, ისტორიაში პირველად, ევროპის ჩემპიონატზეა მას შემდეგ, რაც 2024 წლის 26 მარტს ჩემპიონატის შესარჩევი ეტაპის საპლეიოფო ფინალში, საბერძნეთს მოუგო.

  • საქართველოს ეროვნული ნაკრები ევროპის ჩემპიონატზე პირველ თამაშს 18 ივნისს, დორტმუნდში გამართავს, სადაც თურქეთის ნაკრებს დაუპირისპირდება.