მოკლედ: საქართველოს პარლამენტის მიმდებარედ, მათ შორის, უკანა შესასვლელთან და ჩიტაძის ქუჩაზე, პოლიციაა მობილიზებული.

ფოტო: მაიკო გაგუა/ On.ge

დეტალები: პარლამენტთან იმყოფებოდა სპეცრაზმის უფროსი ზვიად ხარაზიშვილი (ხარება).

ჟურნალისტების კითხვაზე, აპირებდა თუ არა დღესაც სპეცრაზმი ახალგაზრდების ცემას, ხარაზიშვილმა თქვა, რომ "ის არ სცემს ახალგაზრდებს, არამედ სცემს არაკაცებს და აქვს სია".

  • ასევე, ხარაზიშვილმა თქვა, რომ ერთიანი ნაციონალური მოძრაობის ლიდერის, ლევან ხაბეიშვილს, რომელიც 1-ელ მაისს სცემეს, უარესი ელის: "ყველა სცემს თავის თავს... ხაბეიშვილს უარესი... [ელის]".

ამასთან, სამართალდამცველები მობილიზებული არიან უშუალოდ პარლამენტის შენობაში და შიდა ეზოში.

  • დღეს დილით, ოპოზიციონერმა დეპუტატმა, ხატია დეკანოიძემ, გამოაქვეყნა ფოტო, სადაც ჩანს, რომ პარლამენტის შენობაში ნიღბიანი პირები გადაადგილდებიან:
  • "ისე ეშინიათ, რომ პარლამენტის დერეფნები სავსეა ნიღბიანებით და სუსით", — დაწერა დეკანოიძემ.
ნიღბიანი პირები პარლამენტის შენობაში — 28 მაისი, 2024 წელი

ნიღბიანი პირები პარლამენტის შენობაში — 28 მაისი, 2024 წელი

ფოტო: ხატია დეკანოიძე

კონტექსტი: დღეს, 28 მაისს, 12:00 საათიდან პარლამენტი პლენარულ სხდომაზე განიხილავს პრეზიდენტის მოტივირებულ შენიშვნებს რუსულ კანონთან დაკავშირებით.

მსგავსი: "არ დაძლიოთ პრეზიდენტის ვეტო" — კახელები მიმართავენ კახელ დეპუტატებს, რომლებიც რუსულ კანონს მხარს უჭერენ

  • პარალელურად, 11 საათიდან, პარლამენტის უკანა შესასვლელთან რუსული კანონის მოწინააღმდეგეები არიან შეკრებილები.

გაიგე მეტი: რომან გოცირიძე უმრავლესობას: ლარმაც გაგაფრთხილათ, კანონის მიღების დღესვე დაეცა და 60 მლნ დოლარის ინტერვენციების განხორციელება მოუწია სებ-ს

ასევე, ნახეთ: თამაზ დაუშვილი, ბიზნესმენი: კანონი, რომელიც ჩვენს საზოგადოებას ყოფს, აბსოლუტურად არ სჭირდება ჩვენს ქვეყანას