რა ხდება: პარლამენტი დღეს, 28 მაისს, პლენარულ სხდომაზე განიხილავს პრეზიდენტის მოტივირებულ შენიშვნებს რუსულ კანონთან დაკავშირებით.

დეტალები: სხდომა 12 საათზე დაიწყება.

  • მანამდე, 11:45 საათზე ბიუროს სხდომაა ჩანიშნული.
  • პარალელურად, 11 საათიდან, პარლამენტის უკანა შესასვლელთან რუსული კანონის მოწინააღმდეგეები შეიკრიბებიან.

პრეზიდენტის მოტივირებული შენიშვნები გუშინ იურიდიულ საკითხთა კომიტეტის სხდომაზე განიხილეს და მხარი არ დაუჭირეს.

  • უმრავლესობას აქვს რესურსი, დღეს, პლენარულ სხდომაზე ვეტო დაძლიოს.
  • მიღების შემთხვევაში, კანონი ხელმოსაწერად კვლავ პრეზიდენტს გადაეგზავნება.
  • თუ სალომე ზურაბიშვილი ხელს არ მოაწერს, მას ხელს მოაწერს და გამოაქვეყნებს პარლამენტის თავმჯდომარე, რის შემდეგაც, რუსული კანონი ძალაში შევა.