პარტია ლელომ და გირჩი — მეტი თავისუფლებამ, თბილისის საკრებულოს სხდომებს ბოიკოტი გამოუცხადეს
![](http://chandler.on.ge/2024/05/24/snapedit_1716538183142_66505ef9c9926.jpeg)
ფოტო: ტვ პირველი
მოკლედ: პარტია ლელომ და გირჩი — მეტი თავისუფლებამ, თბილისის საკრებულოს სხდომებს ბოიკოტი გამოუცხადეს.
- ამის შესახებ დღეს, 24 მაისს, საგანგებო ბრიფინგზე განაცხადეს ლელოს დეპუტატმა საბა ბუაძემ და ცოტნე კობერიძემ, გირჩი — მეტი თავისუფლების წევრმა.
დეტალები: ბუაძის თქმით, ლელო ბოიკოტის რეჟიმში დარჩება მანამ, სანამ პოლიტიკური მოცემულობა არ შეიცვლება. მისი თქმით, პოლიტიკური ცხოვრება საჯარო დაწესებულებებში, მათ შორის საკრებულოში ვეღარ გაგრძელდება ჩვეულებრივ რეჟიმში.
- "ეს რთული გადაწყვეტილებაა, მაგრამ როდესაც პოლიტიკოსებს სახლებთან ხვდებიან ხელისუფლების ორგანიზებული კრიმინალები, როდესაც ბავშვებს უმოწყალოდ უსწორდება ფიზიკურად სპეცრაზმი და როდესაც მმართველი პარტია ექცევა საერთაშორისო იზოლაციაში და ვხედავთ უკვე სანქციების რეჟიმის ამოქმედებას, შეუძლებელი არის, რომ პოლიტიკური ცხოვრება გაგრძელდეს ამ მოცემულობაში", — განაცხადა ბუაძემ.
- ცოტნე კობერიძის თქმით, საკრებულო გაურბის კონსტიტუციური ვალდებულებას, უზრუნველყოს ქვეყნის პროდასავლური კურსი:
- "მიუხედავად იმისა, რომ აქ ადამიანებს სცემენ, ქუჩაში ხვდებიან ბიტებით. ჩუმად არის აქ [თბილისის საკრებულოში] ყველა დეპუტატი და ხმა არავის ამოუღია. ჩვენთვის ეს სიჩუმე არის ის გედის სიმღერა, რომელიც "ქოცებს" აქვთ. ამიტომ, იყვნენ ახლა მარტო, ჩაატარონ სხდომები და უსმინონ ერთმანეთის სიჩუმეს, იმიტომ, რომ მათ ხმის ამოსაღები არაფერი დარჩათ".
კონტექსტი: 14 მაისს, პარლამენტში რუსული კანონის მესამე მოსმენით მიღების შემდეგ, პარტია ლელომ, დამოუკიდებელმა დეპუტატმა სალომე სამადაშვილმა და ერთიანი ნაციონალური მოძრაობის დეპუტატებმა განაცხადეს, რომ გადადიან ბოიკოტის რეჟიმში და აღარ მიიღებენ მონაწილეობას საპარლამენტო საქმიანობაში.
- ოპოზიციური პარტიების ბოიკოტს შეუერთდა პარტია მოქალაქეებიც.
- გახარიას გუნდის წევრებმა განაცხადეს, რომ საპარლამენტო ბოიკოტს არ უერთდებიან: " გამოვიყენებთ ყველა ტრიბუნას", — თქვეს მათ.
15 მაისს, აჭარის უმაღლეს საბჭოში ერთიანი ნაციონალური მოძრაობის დეპუტატებმა ბრიფინგზე განაცხადეს, რომ რუსული რეჟიმის წინააღმდეგ ბრძოლას ხალხთან ერთად იწყებენ.
- აჭარის უმაღლეს საბჭოში ოპოზიციონერი დეპუტატებმა განაცხადეს, რომ პროტესტის ნიშნად, შეწყვიტეს ყოველგვარი თანამშრომლობა ივანიშვილის რუსულ რეჟიმთან:
- "შეუძლებელია, მათ ესაუბრო რაიმე საკითხზე გარდა ერთისა, რომ დატოვონ ხელისუფლება."
16 მაისს, აჭარის მუნიციპალიტეტში საკრებულოს წევრები ერთიანი ნაციონალური მოძრაობიდან ბოიკოტის რეჟიმში გადავიდნენ.
- "ხელისუფლება გავიდა კონსტიტუციური ჩარჩოებიდან და მიიღო რუსული კანონი, სწორედ ამიტომ, ჩვენ ვწყვეტთ საკრებულოებში ყოველგვარ თანამშრომლობას ივანიშვილის რუსულ რეჟიმთან", — განაცხადეს მათ ერთობლივ ბრიფინგზე.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები