მოკლედ: პარტია ლელომ და ერთიანი ნაციონალური მოძრაობის დეპუტატებმა განაცხადეს, რომ გადადიან ბოიკოტის რეჟიმში და აღარ მიიღებენ მონაწილეობას საპარლამენტო საქმიანობაში.

დეტალები: პარტიებმა განცხადება გააკეთეს რუსული კანონის საბოლოოდ მიღების შემდეგ, საგანგებო ბრიფინგზე.

  • ანა ნაცვლიშვილი: "ჩვენი გზა არის და იყო ქართველი ხალხის გვერდით დგომა. ჩვენ სწორედ ამ ერთობის ნაწილი ვართ. ამ ერთობის ინტერესებს ვიცავდით პარლამენტში მანამ სანამ ეს ლოგიკურ ჩარჩოებში ჯდებოდა და შესაძლებელი იყო. დღევანდელი ძალადობისა და ღალატის აქტის - რუსული კანონის მიღების შემდეგ ჩვენ ვფიქრობთ რომ პარლამენტში მუშაობის რესურსი აღარ არსებობს და ბოიკოტი არის ის ერთადერთი ლეგიტიმური გზა, რომლითაც რეჟიმს უნდა დავუპირისპირდეთ".
  • თამარ კორძაია: "მივმართავ ირაკლი კობახიძეს, დღეს თქვენ, რომ მოახერხეთ, რომ თქვენი დავალებით, საქართველოს რუსიფიკაცია, 84-მა დეპუტატმა მოახდინა, მაგრამ ჩვენი საზოგადოება ამ ქვეყანას დაიცავს და აუცილებლად გაიმარჯვებს."

გახარიას გუნდის წევრებმა განაცხადეს, რომ საპარლამენტო ბოიკოტს არ უერთდებიან: " გამოვიყენებთ ყველა ტრიბუნას", — ამბობენ ისინი.

კონტექსტი: დღეს, 14 მაისს, საპარლამენტო უმრავლესობამ დღეს რუსული კანონი მესამე, საბოლოო მოსმენით მიიღო.

  • კანონს მხარი დაუჭირა 84-მა დეპუტატმა, მოწინააღმდეგე იყო 30.