მოკლედ: აჭარის მუნიციპალიტეტში საკრებულოს წევრები ერთიანი ნაციონალური მოძრაობიდან ბოიკოტის რეჟიმში გადადიან.

  • "ხელისუფლება გავიდა კონსტიტუციური ჩარჩოებიდან და მიიღო რუსული კანონი, სწორედ ამიტომ, ჩვენ ვწყვეტთ საკრებულოებში ყოველგვარ თანამშრომლობას ივანიშვილის რუსულ რეჟიმთან", — განაცხადეს მათ დღეს, 16 მაისს, ერთობლივ ბრიფინგზე.

დეტალები: "პირველ რიგში, გვინდა მადლობა გადავუხადოთ ჩვენს პატრიოტ და მებრძოლ ახალგაზრდებს, რომლებმაც აქტიურ ფაზაში შეიყვანეს ევროპისკენ სვლა. რეგიონში ათასობით ადამიანი გამოდის ქუჩაში ყოველდღიურად და გვაჩვენებენ გმირობის მაგალითს.

  • გვინდა სოლიდარობა გამოვუცხადოთ აქციებზე დაკავებულ, უმოწყალოდ ნაცემ, დაზარალებულ ადამიანებს, რომლებსაც თავს ესხმის ხელისუფლება", — წერია განცხადებაში.
  • საკრებულოს წევრები მოუწოდებენ მოქალაქეებს, განსაკუთრებით კი საჯარო მოხელეებს, რომ შეუერთდნენ ახალ ეროვნულ მოძრაობას და ხალხთან ერთად გააგრძელონ ბრძოლა რუსული რეჟიმის წინააღმდეგ.

15 მაისი: აჭარის უმაღლეს საბჭოში "ნაციონალური მოძრაობის" წევრები ბოიკოტის რეჟიმში გადადიან

კონტექსტი: 14 მაისს, პარლამენტში რუსული კანონის მესამე მოსმენით მიღების შემდეგ, პარტია ლელომ, დამოუკიდებელმა დეპუტატმა სალომე სამადაშვილმა და ერთიანი ნაციონალური მოძრაობის დეპუტატებმა განაცხადეს, რომ გადადიან ბოიკოტის რეჟიმში და აღარ მიიღებენ მონაწილეობას საპარლამენტო საქმიანობაში.

  • ოპოზიციური პარტიების ბოიკოტს შეუერთდა პარტია მოქალაქეებიც.
  • გახარიას გუნდის წევრებმა განაცხადეს, რომ საპარლამენტო ბოიკოტს არ უერთდებიან: " გამოვიყენებთ ყველა ტრიბუნას", — თქვეს მათ.

მსგავსი: 4 წელი გულით ვცდილობდი, დამემტკიცებინა ხალხისთვის, რომ პარლამენტში ხელფასის ასაღებად არ ვიყავი, მაგრამ ახლა ვუერთდებით ბოიკოტს — ელისაშვილი