რა ხდება: ამერიკელმა სამხედროებმა დაადასტურეს, რომ პირველადი დახმარების ტვირთი, დროებითი ნავსადგომის საშუალებით, უკვე ღაზაშია.

  • აშშ-ის ცენტრალურმა სარდლობამ X-ზე გამოქვეყნებულ პოსტში თქვა, რომ სატვირთო მანქანები ნაპირზე გადაადგილებას დაიწყებდნენ, ადგილობრივი დროით, 9 საათზე.

დეტალები: "ეს არის მცდელობა, დამატებითი დახმარება მიეწოდოს პალესტინელ მშვიდობიან მოსახლეობას ღაზაში, საზღვაო დერეფნის მეშვეობით, რომელიც მთლიანად ჰუმანიტარული ხასიათისაა", — ნათქვამია პოსტში.

  • ცენტრალური სარდლობის ინფორმაციით, ხმელეთზე არცერთი ამერიკელი ჯარისკაცი არ გადასულა.

ამერიკის შეერთებულმა შტატებმა მცურავი ბაზის მშენებლობა რამდენიმე კვირის წინ დაიწყო. მიზანია პალესტინელებისთვის დახმარების მიწოდებისთვის ხელშეწყობა.

  • ოთხშაბათს გავრცელდა ინფორმაცია, რომ ასობით ტონა დახმარება ჩავიდა კვიპროსში, სადაც, ღაზის სანაპიროსთან, ნავსადგურში მიტანამდე, ტვირთი შეამოწმეს.
  • მოტივტივე ნავსადგურზე გემებიდან ტვირთს აშშ-ის მცირე ზომის სამხედრო ხომალდები გადაზიდავენ.
  • დახმარების შემდგომ განაწილებაზე პასუხისმგებელი იქნება გაერო.

ბოლო ხაზი: ისრაელი ღაზაში თავდასხმას კვლავ განაგრძობს.

  • ამ დრომდე, ომს 35 000 პალესტინელი ემსხვერპლა.