აშშ-ის პრეზიდენტმა, დონალდ ტრამპმა ტვიტერის საკუთარ გვერდზე დაწერა, რომ ტრანსგენდერი ადამიანები აშშ-ის ჯარში "ვერანაირი ფორმით" ვერ შეძლებენ მსახურებას.

მისივე თქმით, მან სამხედრო ექსპერტებთან და გენერლებთან გაიარა კონსულტაცია ამ საკითხზე და აღნიშნა, რომ ეს უზარმაზარ სამედიცინო ხარჯებსა და დარღვევებს გამოიწვევს: "ჩვენი სამხედრო დანაყოფები ფოკუსირებული უნდა იყვნენ გადამწყვეტ გამარჯვებაზე".

გასულ წელს, ობამას ადმინისტრაციამ ნება დართო ტრანსგენდერ ადამიანებს ჯარში ემსახურათ. იმდროინდელმა თავდაცვის მდივანმა ეშ კარტერმა განაცხადა, რომ თავდაცვის დეპარტამენტი აღნიშნულ პოლიტიკას მომდევნო 12 თვის განმავლობაში შეცვლიდა.