მოკლედ: სპეციალური საგამოძიებო სამსახურის ინფორმაციით, სამართალდამცავების მხრიდან დავით ქაცარავას მიმართ სამსახურებრივი უფლებამოსილების ძალადობით გადამეტების ფაქტზე, გამოძიება დაიწყო.

დეტალები: უწყების მიხედვით, გამოძიების დაწყების საფუძველი დავით ქაცარავას ცოლის მიერ, ცხელ ხაზზე დაფიქსირებული შეტყობინება გახდა, სადაც მან განაცხადა, რომ ქაცარავას დაკავებისას სამართალდამცავებმა ფიზიკური შეურაცხყოფა მიაყენეს.

მსგავსი: აქციაზე დაკავებული დავით ქაცარავა მძიმედ არის ნაცემი — ის კლინიკაშია გადაყვანილი

კონტექსტი: დავით ქაცარავა სპეცრაზმმა დღეს, 14 მაისს, პარლამენტთან დააკავა, რუსული კანონის მიღების შემდეგ.

  • ექიმმა მედიასთან თქვა, რომ ქაცარავა კლინიკაში სასწრაფო დახმარების ბრიგადამ შეიყვანა.
  • მისივე თქმით, აქტივისტ დავით ქაცარავას სახის ძვლების მოტეხილობა აქვს. მას ჩაუტარდა კვლევები, კომპიუტერული ტომოგრაფია და დადგინდა ყვრიმალისა და ზედა ყბის ძვლების მოტეხილობა, ჩაუტარდა ოპერაცია.
  • ქაცარავას თვალი დაზიანებული აქვს, თუმცა მხედველობა არ დაუკარგავს.
  • ნაცემი აქტივისტი სტაციონარში 2-3 დღის განმავლობაში დარჩება.

გაიგე მეტი: დავით ქაცარავას ოპერაცია ჩაუტარდა — მას სახის ძვლების მოტეხილობები აქვს