"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
![ლევან იოსელიანი](http://ross.on.ge/2023/11/01/ao5uh746gvctw4o_6542098da16a6.jpg)
რა ხდება: საქართველოს სახალხო დამცველი, ლევან იოსელიანი, 1-ელი მაისის რუსული კანონის საპროტესტო აქციასთან დაკავშირებით, განცხადებას ავრცელებს.
- სახალხო დამცველი აცხადებს, რომ 22:25 საათზე, ჩიტაძის ქუცაზე სიტუაცია რამდენჯერმე დაიძაბა, სადაც აქციის მონაწილეთა ნაწილი ცდილობდა ჭიშკრის მთლიანობის დაზიანებას.
დეტალები: სახალხო დამცველი განმარტავს, რომ შეკრების თავისუფლების ერთ-ერთი უმნიშვნელოვანესი ელემენტი შეკრების ადგილმდებარეობის არჩევის თავისუფლებაა, რასაც განსაკუთრებული დატვირთვა ენიჭება იმ შემთხვევაში, თუ კონკრეტული დაწესებულება პროტესტის ობიექტია:
- "თუმცა, ამ ეტაპზე, პარლამენტის შენობაში შეწყვეტილია საკანონმდებლო პროცესი და მნიშვნელოვანია აქციის ორგანიზატორები და მონაწილეები არ გაცდნენ საქართველოს კონსტიტუციით დაცული მშვიდობიანი შეკრების უფლების ფარგლებს".
სახალხო დამცველი კიდევ ერთხელ შეახსენებს შინაგან საქმეთა სამინისტროს, რომ შეკრების თავისუფლებაში ჩარევა დასაშვებია მხოლოდ იმ შემთხვევაში, თუ აქცია მიიღებს ძალადობრივ ან/და კანონსაწინააღმდეგო ხასიათს, რა დროსაც ძალის გამოყენება უნდა აკმაყოფილებდეს აუცილებლობისა და პროპორციულობის მკაცრ ტესტს.
მსგავსი: სახალხო დამცველი შსს-ს მოუწოდებს, "არ გაიმეოროს ის, რაც ჩვენ გუშინ ვიხილეთ"
კონტექსტი: დღეს, 1-ელ მაისს, რუსული კანონის საპროტესტო აქციაზე, 9 აპრილის ქუჩაზე, გაუშვეს ცრემლსადენი გაზი და წყლის ჭავლი.
- ვრცელდება ინფორმაცია, რომ გამოიყენეს რეზინის ტყვიებიც.
- სპეციალური საშუალებები, მოქალაქეების წინააღმდეგ, გაფრთხილების გარეშე გამოიყენეს.
როგორია შსს-ს პოზიცია: უწყება ამბობს, რომ მას შემდეგ, რაც პარლამენტის მიმდებარე ტერიტორია დატოვეს მათმა დანაყოფებმა, "აქციის მონაწილეები გახდნენ აგრესიულები".
- სამინისტრო ადასტურებს, რომ გამოიყენეს წიწაკის სპრეი და წყლის ჭავლი.
- "მოვუწოდებთ აქციის თითოეულ მონაწილეს მშვიდად გამოხატონ პროტესტი, არ დაუშვან ძალადობრივი ქმედებები და დაემორჩილონ სამართალდამცველების კანონიერ მითითებას. კანონდარღვევის ნებისმიერ ქმედებებზე პოლიცია სამართლებრივ რეაგირებას მოახდენს", — ვკითხულობთ შსს-ს განცხადებაში.
გაიგე მეტი: ფოტოებში: აქციაზე დაშავებული მშვიდობიანი დემონსტრანტები
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები