მოკლედ: შინაგან საქმეთა სამინისტრო აცხადებს, რომ სამართალდამცველებმა უზრუნველყვეს დეპუტატებისა და პარლამენტის აპარატის თანამშრომლების, საკანონმდებლო ორგანოს შენობიდან უსაფრთხოდ გამოსვლა.

  • ამის შესახებ უწყებამ განცხადება ახლახან გაავრცელა.
  • უწყება აცხადებს, რომ პოლიციის სხვადასხვა დანაყოფის თანამშრომლები, "მოვლენების ხელოვნურად ესკალაციისა და საზოგადოებრივი წესრიგის დაცვის მიზნით", მობილიზებულნი არიან პარლამენტის შენობის მიმდებარე ტერიტორიაზე.

დეტალები: შსს ამბობს, რომ ამ დროისთვის, ჩიტაძისა და ჭიჭინაძის ქუჩიდან მიმდინარეობს პოლიციის კორდონების გაყვანა და აქციის მონაწილეებს შესაძლებლობა ექნებათ პროტესტი გამოხატონ მათთვის სასურველ ადგილზე.

  • "კიდევ ერთხელ მივმართავთ აქციის ყველა მონაწილეს, რომ დაუშვებელია ადმინისტრაციული ორგანოების შესასვლელების ბლოკირება და ასევე, საავტომობილო გზების პარალიზება. პოლიციის მიერ დაუყოვნებლივ იქნება აღკვეთილი კანონდარღვევის ნებისმიერი ფაქტი, ხოლო საზოგადოებრივი წესრიგის დამრღვევი პირების მიმართ კანონით გათვალისწინებული ზომები გატარდება", — წერია განცხადებაში.

ბოლო ხაზი: ხელისუფლება საპოლიციო ძალების გამოყენებით ხშირად შლის რუსული კანონის საწინააღმდეგო საპროტესტო აქციებს პარლამენტის შენობის მიმდებარედ. ამისთვის მათ ძალა გამოიყენეს გასულ ღამესაც, 30 აპრილს.

მეტი: ომბუდსმენის პირველადი შეფასება 30 აპრილის აქციაზე განვითარებული მოვლენების შესახებ