სპეცრაზმმა და წყლის ჭავლის მანქანამ პარლამენტის მიმდებარე ტერიტორია დატოვა
![](http://monica.on.ge/2024/05/01/signal-2024-05-01-210724_002_663278b77dddc.jpeg)
რა ხდება: პარლამენტის მიმდებარე ტერიტორია სპეცრაზმმა და წყლის ჭავლმა დატოვა.
დეტალები: ცოტა ხნის წინ საკანონმდებლო ორგანო დატოვეს უმრავლესობის წევრებმა, რომლებმაც რუსულ კანონს დღეს მეორე მოსმენით დაუჭირეს მხარი.
ამ თემაზე — სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ
- აქციის მონაწილეებმა დღესაც სცადეს გამოსასვლელებთან დახვედროდნენ დეპუტატებს, თუმცა სამართალდამცველებმა შეძლეს პარლამენტის წევრებს შენობა დაბრკოლების გარეშე დაეტოვებინათ.
რას ამბობს შსს: ადასტურებს, რომ სპეცრაზმმა ტერიტორია დატოვა მას შემდეგ, რაც "უზრუნველყვეს დეპუტატებისა და პარლამენტის აპარატის თანამშრომლების შენობიდან უსაფრთხო გამოსვლა".
- შსს განცხადებაში წერს, რომ პროტესტის გამომხატველებს შესაძლებლობა აქვთ აქცია გამართონ მათთვის სასურველ ადგილზე.
- "შინაგან საქმეთა სამინისტრო მოუწოდებს პოლიტიკური პარტიების ლიდერებს, აქციის ორგანიზატორებსა და მონაწილეებს, არ დაარღვიონ კანონი, პროტესტი გამოხატონ მშვიდ ვითარებაში და არ განახორციელონ ძალადობრივი ქმედებები", — ვკითხულობთ განცხადებაში.
კონტექსტი: პარლამენტმა რუსული კანონის მეორე მოსმენით განხილვა გუშინ დაიწყო და დღეს, მისი მიღებით დაასრულა.
- გუშინ, განხილვის პარალელურად, საკანონმდებლო ორგანოსთან საპროტესტო აქცია გაიმართა.
- მშვიდობიანი მანიფესტანტები სპეცრაზმმა არაერთხელ დაარბია.
- მოქალაქეების წინააღმდეგ გამოიყენეს წყლის ჭავლი, ცრემლსადენი გაზი, სცემეს მანიფესტანტებს, ჟურნალისტებს.
- მძიმედ არის ნაცემი ნაციონალური მოძრაობის ლიდერი, ლევან ხაბეიშვილი.
გუშინდელი დარბევა დაგმეს როგორც ქართულმა სამოქალაქო საზოგადოებრივმა ორგანიზაციებმა, ისე — დასავლელმა პარტნიორებმა.
- ევროკავშირის საგარეო პოლიტიკური უწყების ხელმძღვანელმა, ჯოზეფ ბორელმა X-ზე დაწერა, რომ საქართველო არის ევროკავშირის კანდიდატი ქვეყანა და ამიტომ, ის მოუწოდებს სამართალდამცველებს, უზრუნველყონ მშვიდობიანი შეკრების უფლება.
- "ძალის გამოყენება ამის ჩასახშობად მიუღებელია", — აღნიშნა ბორელმა.
ევროპარლამენტის ყველაზე დიდმა პარტიამ — EPP-მ მკაცრად დაგმო აქციის მონაწილეებისა და ენმ-ის ლიდერის, ლევან ხაბეიშვილის ცემა.
- "ქართველი ხალხი იმსახურებს დემოკრატიას და ევროპას.
- დროა, სანქციები დაუწესდეს ბიძინა ივანიშვილს და ყველას, ვინც მას ეხმარება საქართველოს დემოკრატიის ნგრევაში.
- საქართველოს მომავალ თაობას ამ ბრძოლაში მარტო ვერ დავტოვებთ", — დაწერა ევროპის სახალხო პარტიამ.
საქართველოს სახალხო დამცველი, ლევან იოსელიანი შინაგან საქმეთა სამინისტროს მოუწოდებს, "არ გაიმეოროს ის, რაც ჩვენ გუშინ ვიხილეთ, არ ჩაერიოს ჩვენი მოქალაქეების გამოხატვის თავისუფლებაში, არ იძალადოს მათზე".
- მისი თქმით, სამართალდამცავებმა აქციის მონაწილეების მიმართ რამდენჯერმე გამოიყენეს ე.წ წიწაკის სპრეი, რისი აუცილებლობაც, არცერთ შემთხვევაში არ არსებობდა: "გავრცელებული ინფორმაციით დგინდება, რომ აქციის მონაწილეები სპეციალური საშუალების გამოყენების თაობაზე არ გაუფრთხილებიათ წინასწარ".
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები