პარლამენტის ეზოში სპეცრაზმისა და საპოლიციო ძალების მობილიზებაა, შენობის ირგვლივ კი მოქალაქეები აქციისთვის ემზადებიან
![](http://phoebe.on.ge/2024/05/01/signal-2024-05-01-173122_002.jpeg)
ფოტო: ტვ პირველი
რა ხდება: საქართველოს პარლამენტის შენობასთან რუსული კანონის გასაპროტესტებლად ისევ იკრიბებიან მოქალაქეები.
დემონსტრანტები შეკრებილი არიან შენობის უკანა შესასვლელთანაც.
პარალელურად, საქართველოს პარლამენტის ეზოში სპეცრაზმისა და საპოლიციო ძალების მობილიზება ხდება.
საპოლიციო ძალები არიან გამაგრებული პარლამენტის უკანა შესასვლელთანაც.
ისევე, როგორც გუშინ და სხვა დღეებშიც, როდესაც პარლამენტთან პროტესტი მიმდინარეობს, საპოლიციო ძალებმა პარლამენტის შესასვლელები დღესაც ჩარაზეს.
დეტალები: დღევანდელ მანიფესტაციას შეუერთდებიან რეგიონში მცხოვრები ადამიანები, რომლებიც სოციალურ ქსელში წერდნენ, რომ თვითორგანიზებით გეგმავენ, თბილისში დაგეგმილ დღევანდელ აქციას შეუერთდნენ.
- ამასთან, გუშინ შეიქმნა ფეისბუქის ჯგუფიც, სადაც თბილისელები, რუსული კანონის გასაპროტესტებლად რეგიონებიდან ჩამოსულ ადამიანებს ღამის გასათევს, ხშირ შემთხვევაში კი — კვებისა და მგზავრობის ხარჯის დაფარვასაც სთავაზობენ.
დღეს, 1-ელ მაისს, საქართველოს სახალხო დამცველმა, ლევან იოსელიანმა, შინაგან საქმეთა სამინისტროს მოუწოდა, "არ გაიმეოროს ის, რაც ჩვენ გუშინ ვიხილეთ, არ ჩაერიოს ჩვენი მოქალაქეების გამოხატვის თავისუფლებაში, არ იძალადოს მათზე".
გაიგე მეტი: თუ დაგაკავეს, ეს რჩევები აუცილებლად გაითვალისწინეთ — ედუარდ მარიკაშვილი
კონტექსტი: რუსული კანონის მოწინააღმდეგეთა აქცია გუშინ სპეცრაზმმა რამდენჯერმე დაარბია.
- ფიზიკურად გაუსწორდნენ აქციის მონაწილეებს.
- გაუფრთხილებლად გაუშვეს ცრემლსადენი გაზი.
- არიან დაშავებულები, მათ შორის ჟურნალისტები და ასევე, დეპუტატი ლევან ხაბეიშვილი.
- შსს-ს ინფორმაციით, აქციაზე 63 ადამიანი დააკავეს.
- პარლამენტი რუსულ კანონზე მსჯელობს, კენჭისყრა, სავარაუდოდ, დღეს იქნება და ოცნება კანონპროექტს მეორე მოსმენით მიიღებს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები