Models.com-მა მატილდა გვარლიანი 50 ტოპ ახალგაზრდა მოდელს შორის დაასახელა. საერთაშორისო პლატფორმა განახლებულ რეიტინგს ყოველწლიურად აქვეყნებს. სიაში იმ ახალგაზრდა მოდელების სახელებს ვკითხულობთ, რომელთაც ცნობილი დიზაინერების, ბრენდებისა და ჟურნალების ყურადღება მიიქციეს.

ფოტო: Models.com

ამ რეიტინგში მოხვედრა მოდელის რეპუტაციაზე დიდ გავლენას ახდენს. 2022 წელს ამავე პლატფორმაზე მატილდა წლის სახედ დასახელდა.

ქართველმა მოდელმა საერთაშორისო წარმატებას უკვე მიაღწია. ცოტა ხნის წინ ის შანელის სუნამოს ახალ კამპანიაში გამოჩნდა, იქამდე კი, 2022 წლის ოქტომბერში ქართველი მოდელი პარიზის მოდის კვირეულზე CHANEL-ის შოუზე გამოვიდა. ამავე კვირეულის ფარგლებში მატილდამ Rokh-ის ჩვენებაც გახსნა.