მოკლედ: დღეს, 24 მარტს, საბურთალოს რაიონში, გოძიაშვილის ქუჩა N31-ის მიმდებარედ, კომპანია ჯორჯიან უოთერ ენდ ფაუერის (GWP) წყალსადენის მაგისტრალური ქსელი ავარიულად დაზიანდა. ამის შესახებ On.ge-ს კომპანიიდან აცნობეს.

დეტალები: მათი განცხადების თანახმად, ადგილზეა მობილიზებული კომპანიის ტექნიკური ჯგუფი და წყლის დინების შესაჩერებლად ჩამკეტ-მარეგულირებელი ურდულები დაკეტეს.

  • "ქსელის დაზიანებულ მონაკვეთზე აღდგენითი სამუშაოები მაგისტრალური ქსელის წყლისგან დაცლისთანავე დაიწყება", — აცხადებს GWP.

კომპანია აბონენტებს აფრთხილებს, რომ აღნიშნულთან დაკავშირებით, დღეს, 24 მარტს, 15:30 საათიდან 25 მარტის დილის 08:00 საათამდე, წყალმომარაგება შეზღუდული ექნება:

  • ვაშლიჯვრის დასახლებაში — მაჭავარიანის, სარაჯიშვილის, კვანტალიანის, გოძიაშვილის, ფარჯიანის, გელოვანის, იასამნის, ემუხვარის, თოფურიას და მაჭავარიანის ქუჩებზე.
  • ასევე, წყალმომარაგება შეეზღუდება ვაშლიჯვრის დასახლების მე-2ა, მე-3 ა, მე-4 და მე-4ბ ზონებს.