მალე მაყურებელი Game of Thrones-ის შემქმნელებისგან ახალ სერიალს, 3 Body Problem-ს, იხილავს. სერიალი საი-ფაი ჟანრისაა, ხოლო მისი სცენარისტები დევიდ ბენიოფი და დენ უაისი არიან. ცოტა ხნის წინ კი ნეტფლიქსმა 3 Body Problem-ის ახალი ტრეილერი გამოუშვა, რომელშიც რუსთაველის გამზირი გამოჩნდა.

3 Body Problem-ის ტრეილერში რუსთაველზე გამართული აქციის კადრი გამოჩნდა. სხვადასხვა მოვლენების ამსახველ კადრებს შორის, რუსთაველის გამზირზე გამართული აქცია ტრეილერში 1:31 წუთზე ჩნდება. პარლამენტის წინ ეს კადრები Agion Films-ისა და Anamor Films-ის დამფუძნებელმა და რეჟისორმა გუგა გელაშვილმა გადაიღო.

ფოტო: Netflix

3 Body Problem ჩინელი მწერლის, ლიუ ცისინის, ამავე სახელწოდების რომანს ეფუძნება.სიუჟეტი 1960-იან წლებში იწყება და ასტროფიზიკოს იე ვენჯიეს გარშემო ვითარდება. ვენჯიეს, რომელიც ჩინეთის კულტურული რევოლუციის დროს მამის სასტიკ მკვლელობას შეესწრო, სამხედრო სამსახურში იწვევენ და ქვეყნის შორეულ მხარეში, საიდუმლო სადაზვერვო ბაზაზე გზავნიან. სხვადასხვა დროში და კონტინენტზე განვითარებული მოვლენები 8-ეპიზოდიან სეზონშია გაერთიანებული.

როგორც ცნობილია, 3 Body Problem-ის თითოეული ეპიზოდის გადაღება დაახლოებით $25 მილიონი დაჯდა, რაც სერიალს ნეტფლიქსის ყველაზე ძვირადღირებულ პროექტად აქცევს. 3 Body Problem-ის პრემიერა ნეტფლიქსზე 21 მარტს იგეგმება.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…