16 ივლის HBO-ს ეთერში სერიალ სამეფო კარის თამაშების მეშვიდე სეზონის პრემიერა შედგა, რომელსაც რეკორდული რაოდენობის მაყურებელმა უყურა.

პირველივე სერიის შემდეგ, ასეულობით თეორია გაჩნდა იმაზე, თუ რა შეიძლება მოხდეს სეზონის განმავლობაში.

წერდნენ იმასაც, რომ სანსა სტარკი სერსეის აღმერთებს და შესაძლოა ჯონ სნოუს მისი სახით დიდი მტერიც ჰყავდეს.

ჯონ სნოუ ჯერ-ჯერობით ჩრდილოეთის მეფეა, თუმცა არავინ იცის როდემდე გაგრძელდება მისი მმართველობა.

ამის შესახებ ინფორმაცია არ აქვს არც სნოუს როლის შემსრულებელ, კიტ ჰარინგტონს.

იტალიაში, ჯიფონის კინოფესტივალზე ყოფნის დროს, ჟურნალისტებმა ძირითადი კითხვები მას სწორედ თავისი პერსონაჟის შესახებ დაუსვეს.

"ამ ისტორიაში ძალიან ბევრი პერსონაჟია, რომლებსაც სნოუს დამარცხება სურთ. სიმართლე გითხრათ, მგონი სნოუს იმის ამბიცია არც აქვს, რომ რკინის ტახტზე ავიდეს, მისთვის მთავარი საფრთხე კედლის მეორე მხრიდან მოდის. სნოუ ნაკლებად ამბიციურია, იმაზე ბევრად ნაკლებად, ვიდრე სხვები, სწორედ ამიტომ ვფიქრობ ის მეფე ვერ გახდება".

ჟურნალისტებმა ასევე ჰკითხეს, მისი აზრით ვინ შეიძლება გაიმარჯვოს სამეფო კარის თამაშებში.

"ამაზე ბევრი თეორია არსებობს, სიმართლე გითხრათ წარმოდგენა არ მაქვს. თუმცა ბევრი ფიქრობს რომ ეს სერსეი ლანისტერი იქნება", თქვა კიტმა.