მოკლედ: საპრეზიდენტო არჩევნების დასასრულს, უბნების დახურვის შემდეგ, ვლადიმირ პუტინმა ალექსეი ნავალნის გარდაცვალებაზე კომენტარი გააკეთა.

  • ეს არის პირველი შემთხვევა, როდესაც პუტინმა პოლიტიკოსის გვარი ახსენა.

მსგავსი: 2030 წლამდე რუსეთს კვლავ პუტინი მართავს — დათვლილია ხმების 99.7 პროცენტი

დეტალები: "ის გარდაიცვალა. ეს ყოველთვის სევდიანია ხოლმე, მაგრამ ჩვენ გვქონია შემთხვევები, როდესაც ადამიანები გარდაცვლილან ციხეებში. განა ეს აშშ-ში არ ხდება? მომხდარა და არაერთხელ", — თქვა მან.

  • პუტინმა, ასევე, დაადასტურა, რომ დათანხმდა ნავალნის გაცვლაზეც:

"ნავალნის გარდაცვალებამდე რამდენიმე დღით ადრე, ზოგიერთმა კოლეგამ (არა ადმინისტრაციის თანამშრომელმა) მითხრა, რომ არსებობდა იდეა, გაგვეცვალა ბატონი ნავალნი დასავლეთის ქვეყნებში ციხეში მყოფ ადამიანებზე. თქვენი ნებაა, დამიჯერებთ თუ არა, თუმცა პირს, რომელიც მელაპარაკებოდა, არ ჰქონდა დასრულებული წინადადება, რომ მე ვთქვი: "თანახმა ვარ“. მაგრამ, სამწუხაროდ, მოხდა ის, რაც მოხდა“.

  • პუტინმა აღნიშნა, რომ ნავალნის გაცვლას დათანხმდა იმ პირობით, რომ ის რუსეთში არ დაბრუნდებოდა.

კონტექსტი: თებერვალში, ნავალნის თანამებრძოლმა, მარია პევჩიხმა თქვა, რომ გარდაცვალებამდე ცოტა ხნით ადრე, მიღებულ იქნა გადაწყვეტილება, ალექსეი ნავალნის გაცვლა ფსბ-ს ოფიცერზე, ვადიმ კრასიკოვზე.

  • კრასიკოვი ჩეჩენი საველე მეთაურის, ზელიმხან ხანგოშვილის მკვლელობის გამო სასჯელს ბერლინში იხდის.

ბოლო ხაზი: ალექსეი ნავალნი 16 თებერვალს, ციხეში გარდაიცვალა.

მსგავსი: ვინ არის იულია ნავალნაია, პუტინის ახალი მტერი