სამეფო კარის თამაშების შემქმნელები, დევიდ ბენიოფი და დ.ბ. ვეისი Game of Thrones-ის დასრულების შემდეგ, HBO-სთან ერთად, ახალ პროექტზე დაიწყებენ მუშაობას.

ახალი პროექტი აშშ-ის ალტერნატიულ ისტორიაზე მოგვითხრობს, როცა სამოქალაქო ომი სხვა შედეგებით სრულდება და მონობა არ უქმდება.

დევიდ ბენიოფი ამბობს, რომ ამ პროექტზე ფიქრი რამდენიმე წლის წინ დაიწყო, თუმცა თავიდან სურდა სცენარის მიხედვით ფილმი გადაეღო.

"როდესაც სამეფო კარის თამაშებზე დავიწყე მუშაობა, მივხვდი, რომ სერიალის მეშვეობით უკეთ შეიძლება ამბის მოყოლა, ამ ამბებს კი იმაზე უკეთ ვერავინ ყვება, ვიდრე HBO", ამბობს ბენიოფი.