გადაცემა გორგილაძის აუტანელი სიმსუბუქე მალე YouTube-ზე დაბრუნდება. გადაცემის ფეისბუქის გვერდზე ცოტა ხნის წინ ახალი ვიდეო გავრცელდა და ცნობილი გახდა, რომ გორგილაძის აუტანელი სიმსუბუქე ამჯერად YouTube-ზე გაგრძელდება.

შეგახსენებთ, რომ გორგილაძის აუტანელი სიმსუბუქე საზოგადოებრივ მაუწყებელზე გადიოდა, ბოლო ეპიზოდი კი მაყურებელმა გასული წლის 29 დეკემბერს ნახა. საზოგადოებრივმა მაუწყებელმა გორგილაძის აუტანელ სიმსუბუქესთან ერთად კიდევ რამდენიმე გადაცემა დახურა. გორგილაძის აუტანელი სიმსუბუქის პროდიუსერმა, ნატა მაღალაშვილმა, On.ge-სთან განაცხადა, რომ გადაცემის დახურვის მიზეზად საზოგადოებრივმა მაუწყებელმა ფინანსური პრობლემები დაასახელა.

გადაცემის დახურვიდან მალევე გორგილაძის აუტანელი სიმსუბუქის საზოგადოებრივი მაუწყებლის ეთერში დაბრუნებას მოქალაქეები პეტიციით ითხოვდნენ. ახლა კი მაყურებელი გადაცემას YouTube-ზე იხილავს, თუმცა გორგილაძის აუტანელი სიმსუბუქის გაგრძელების თარიღი ამ ეტაპზე უცნობია.