მოკლედ: შინაგან საქმეთა სამინისტროს ინფორმაციით, განსაკუთრებული სისასტიკით ჩადენილი განზრახ მკვლელობის ბრალდებით, 2003 წელს დაბადებული პირი დააკავეს.

დეტალები: შსს-ს მიხედვით, გამოძიებით დადგინდა, რომ 28 თებერვალს ბრალდებულმა თბილისში, ლილოს დასახლებაში, ურთიერთშელაპარაკების ნიადაგზე, 21 წლის გოგოს სასიკვდილო ჭრილობა მიაყენა და ადგილიდან მიიმალა.

  • შსს-ს აცხადებს, რომ ბრალდებული რამდენიმე საათში, ზუგდიდის მუნიციპალიტეტში დააკავეს.

ბოლო ხაზი: გამოძიება განსაკუთრებული სისასტიკით ჩადენილი განზრახ მკვლელობის ფაქტზე, საქართველოს სისხლის სამართლის კოდექსის 109-ე მუხლის "მ" ქვეპუნქტით
მიმდინარეობს.

  • დანაშაული 16-დან 20 წლამდე ან უვადო თავისუფლების აღკვეთას ითვალისწინებს.