მოკლედ: მოსკოვის ბასმანის რაიონულმა სასამართლომ უკრაინაში მებრძოლი ქართული ლეგიონის მეთაურის, მამუკა მამულაშვილის დაუსწრებლად დაკავების ნებართვა გასცა.

  • ამის შესახებ რუსული პროპაგანდისტული საინფორმაციო სააგენტო TASS წერს.

დეტალები: გამოცემის წყაროს ინფორმაციით, მამუკა მამულაშვილს აღკვეთის ღონისძიება, ექსტრადაციის მომენტიდან, 2 თვის ვადით შეეფარდა.

  • მისივე თქმით, მამულაშვილზე ფედერალური და საერთაშორისო ძებნაა გამოცხადებული.
  • TASS-ის წყაროს ცნობით, მამულაშვილს, სხვა "დანაშაულებთან" ერთად, ბრალად ედება "დაქირავებული საქმიანობა": რუსეთის გამოძიების თანახმად, მამულაშვილმა უკრაინის ტერიტორიაზე შექმნა შეიარაღებული ფორმირება და შეიარაღებული ფორმირებების საქმიანობაში ჩართო საქართველოდან დაქირავებული, სულ მცირე, 24 მოქალაქე.
  • რუსი გამომძიებლების განცხადებით, ისინი დღემდე მონაწილეობენ რუსეთის წინააღმდეგ ომში.
  • "საგამოძიებო მოქმედებების დროს გამოვლინდნენ სხვა პირებიც, რომლებიც მონაწილეობდნენ უკრაინის ტერიტორიაზე ქართული ეროვნული ლეგიონის, ასევე, სხვა დაქირავებული შენაერთების საქმიანობაში.

ბოლო ხაზი: მამუკა მამულაშვილი, წინა ხელისუფლების პირობებში, საქართველოს თავდაცვის მინისტრის, ბაჩო ახალაიას მრჩევლად დაინიშნა;

  • შემდგომში ის შაშკინის და ალასანიას მრჩეველი იყო.
  • მამულაშვილი თანამდებობიდან ირაკლი ალასანიას მინისტრობის პერიოდში გაათავისუფლეს.
  • მოგვიანებით, მამულაშვილი უკრაინაში მოხალისე მებრძოლად წავიდა.
  • ის აცხადებს, რომ უკრაინაში რუსეთის წინააღმდეგ საქართველოსთვის იბრძვის.