მოკლედ: BBC-ს ინფორმაციით, დიდმა ბრიტანეთმა სანქციები დაუწესა არქტიკაში მდებარე იმ სასჯელაღსრულების 6 წარმომადგენელს, სადაც რუსი ოპოზიციონერი პოლიტიკოსი ალექსეი ნავალნი გარდაიცვალა.

  • ციხის დირექტორს და მის მოადგილეებს ბრიტანეთში ჩასვლა აეკრძალათ და მათი ქონებაც გაიყინება.

დეტალები: BBC-ს მიხედვით, ბრიტანეთის მთავრობამ მოითხოვა ნავალნის ცხედარი დაუყოვნებლივ გადაეცეს მის ოჯახს და ჩატარდეს სრული და გამჭვირვალე გამოძიება.

  • "დასავლელი ლიდერები აცხადებენ, რომ ნავალნის მკვლელობაში პასუხისმგებლობა რუსეთის ხელისუფლებას, მათ შორის, პრეზიდენტ პუტინს ეკისრება", — წერს BBC.

გაიგე მეტი: ნავალნის ოჯახს უთხრეს, თუ როდის გადასცემენ ცხედარს

დიდი ბრიტანეთის მიერ სანქცირებული პირები არიან:

  • პოლკოვნიკი ვადიმ კონსტანტინოვიჩ კალინინი — სასჯელაღსრულების კოლონიის უფროსი;
  • ვიცე-პოლკოვნიკი სერგეი ნიკოლაევიჩ კორჟოვი — უფროსის მოადგილე;
  • ვიცე-პოლკოვნიკი ვასილი ალექსანდროვიჩ ვიდრინი — უფროსის მოადგილე;
  • ვიცე-პოლკოვნიკი ვლადიმერ ივანოვიჩ პილიპჩიკი — უფროსის მოადგილე;
  • ვიცე-პოლკოვნიკი ალექსანდრე ვლადიმროვიჩ გოლიაკოვი — უფროსის მოადგილე;
  • პოლკოვნიკი ალექსანდრე ვალერიევიჩ ობრაზცოვი — უფროსის მოადგილე.

ბოლო ხაზი: 2024 წლის 16 თებერვალს რუსეთის ფედერალური სასჯელაღსრულების სამსახურმა გაავრცელა ცნობა, რომ ოპოზიციონერი პოლიტიკოსი, ალექსეი ნავალნი სპეციალური რეჟიმის კოლონიაში გასეირნების შემდეგ გარდაიცვალა.

  • გარდაცვალების მიზეზი ჯერჯერობით უცნობია.
  • ოპოზიციონერის თანამოაზრეები მიიჩნევენ, რომ ის მოკლეს და კრემლი დანაშაულის კვალის დამალვას ცდილობს.
  • ლუდმილა ნავალნაიამ, შვილის გარდაცვალების შემდეგ, თქვა, რომ რამდენიმე დღის წინ მასთან პაემანზე იმყოფებოდა ციხეში. დედის თქმით, პოლიტიკოსი თავს კარგად გრძნობდა და ჯანმრთელობას არ უჩიოდა.
  • ამაზე მეტყველებს გარდაცვალებამდე ერთი დღით ადრე, 15 თებერვალს, ნავალნის ვიდეო-ჩართვა სასამართლოზე.

გაიგე მეტი: იულია ნავალნაია: ალექსეი ნავალნის საქმეს მე გავაგრძელებ