მოკლედ: ციხეში გარდაცვლილი რუსი ოპოზიციონერის, ალექსეი ნავალნის ცოლი, იულია ნავალნაია ამბობს, რომ მისი ქმრის საქმეს გააგრძელებს.

  • ამის შესახებ მან ვიდეომიმართვაში თქვა, რომელიც დღეს, 19 თებერვალს გავრცელდა.

დეტალები: "ჩემ ადგილას სხვა ადამიანი უნდა იჯდეს ახლა, მაგრამ ეს ადამიანი პუტინმა მოკლა", — აღნიშნა იულია ნავალნაიამ.

"მე არ მაქვს უფლება, დავნებდე. მე გავაგრძელებ ალექსეი ნავალნის საქმეს. გავაგრძელებ ბრძოლას ჩვენი ქვეყნისთვის და მოგიწოდებთ, დადგეთ ჩემთან ერთად", — თქვა მან.

"პუტინმა უბრალოდ ერთი ადამიანი, ალექსეი ნავალი კი არ მოკლა, მას სურს, მოკლას ჩვენი იმედი, ჩვენი თავისუფლება და მომავალი. დღეს მინდა ვიყო თქვენთან ერთად, რადგან ვიცი, რომ თქვენ დაკარგეთ არანაკლები, ვიდრე მე".

ბოლო ხაზი: ნავალნი, რომელიც ვლადიმირ პუტინის ყველაზე ცნობილი ოპონენტი იყო, პარასკევს, 16 თებერვალს გარდაიცვალა მკაცრი რეჟიმის კოლონიაში.

  • მის დედასა და ადვოკატს შაბათს უთხრეს, რომ ის "მოულოდნელი სიკვდილის სინდრომით" გარდაიცვალა — ამ ტერმინს კონკრეტული სამედიცინო მნიშვნელობა არ აქვს.

ვიდეომიმართვაში ნავალნაიამ ასევე თქვა, რომ გარდაცვლილი ოპოზიციონერის გუნდმა იცის, "რატომ მოკლა პუტინმა ალექსეი სამი დღის წინ“ და პირობა დადო, რომ დეტალებს მალე გაავრცელებს.

ამავე თემაზე: მეოთხე დღე ნავალნის ცხედრის გარეშე — რას გვიჩვენებს კამერების ჩანაწერები