მოკლედ: სპეციალურმა საგამოძიებო სამსახურმა, პროკურატურის მიერ გამოტანილი დადგენილების საფუძველზე, არასრულწლოვანის თანდასწრებით ოჯახში ძალადობის და მუქარის ფაქტებზე, შინაგან საქმეთა სამინისტროს განსაკუთრებულ დავალებათა დეპარტამენტის თანამშრომელს ბრალი წარუდგინა.

  • ინფორმაციას სპეციალური საგამოძიებო სამსახური ავრცელებს.

დეტალები: საგამოძიებოს მიხედვით, 2023-2024 წლებში, ბრალდებული, არასრულწლოვანი შვილების თანდასწრებით, თავის ცოლზე ფიზიკურად ძალადობდა და მას სიცოცხლის მოსპობითა და ქონების განადგურებით ემუქრებოდა.

  • 2023 წლის ოქტომბრისა და დეკემბრის თვეში, ბრალდებულმა თავის ცოლზე, არასრულწლოვანი შვილების თანდასწრებით, რამდენჯერმე ფიზიკურად იძალადა და სხეულის სხვადასხვა არეში დაზიანებები მიაყენა.
  • 2024 წლის თებერვალში, ბრალდებული ცოლს სოციალურ ქსელ ფეისბუქით კომუნიკაციისას, სახლის დაწვით და სიცოცხლის მოსპობით დაემუქრა.

ბოლო ხაზი: პროკურატურის მიერ გამოტანილი დადგენილების საფუძველზე, სამართალდამცავს ბრალდება წარედგინა არასრულწლოვანის თანდასწრებით ოჯახში ძალადობისა და ოჯახის წევრის მიმართ სიცოცხლის მოსპობისა და ქონების განადგურების მუქარის ფაქტებზე.