მოკლედ: კახა კალაძის თქმით, გმირთა მოედნიდან სანაპიროზე ჩამსვლელ საგზაო მონაკვეთში დამატებითი ზოლი მოეწყობა, ლაგუნა ვერეს მიმდებარედ კი სამი ბენზინგასამართი სადგურის დემონტაჟი მოხდება, რისთვისაც "სადგურის მესაკუთრეებთან ადგილმონაცვლეობაზე შეთანხმება უკვე მიღწეულია".

დეტალები: კალაძემ აღნიშნა, რომ ბენზინგასამართი სადგურის მფლობელებისთვის თბილისის სხვადასხვა არეალში გამოიყოფა მიწა, რომ "ბენზინგასამართი სადგურების გადატანა შეძლონ".

  • ასევე, მერის თქმით, გმირთა მოედნიდან სანაპიროს მიმართულებით ჩამსვლელი ავტოსატრანსპორტო კვანძი ერთ-ერთი პრობლემური ადგილია, ამიტომ საჭიროა დამატებითი საგზაო ზოლის მოწყობა.
  • "პროექტზე რამდენიმე წლის წინაც დავიწყეთ მუშაობა, თუმცა შეთანხმება ბენზინგასამართი სადგურების მესაკუთრეებთან ვერ მოხერხდა. შემდეგ პანდემიამ შეგვიშალა ხელი. სატრანსპორტო ნაკადების მატებასთან ერთად, კიდევ უფრო აქტუალური გახდა აღნიშნული სატრანსპორტო კვანძის გარკვეული სახით მოდერნიზება და კონკრეტული გადაწყვეტების მოძებნა", — თქვა კახა კალაძემ.

პროცედურულად: კალაძის თქმით, ეს პროექტი თბილისის საკრებულოში გაიგზავნება, გადაწყვეტილების მიღების შემდეგ ბენზინგასამართი სადგურების დემონტაჟი დაიწყება, ბოლოს კი — კონკრეტული პროექტი განხორციელდება, რომელიც "რომელიც სატრანსპორტო ნაკადების გატარებას უზრუნველყოფს".

გაიგე მეტი: რა პრობლემები შეიძლება შექმნას ლაგუნასთან ცათამბჯენების აშენებამ